Related Articles
Australia um Chinmi hna nih ‘kan miphun himnak le runvennak caah’ tiin kan Chin Miphun Ralkap (Chin National Army – CNA) caah dollar ting 7 leng an pek cang.
Perth khuapi um Chin khrihfabu le pumpak le chungkhar nih an thawhmi dollar ting 3 leng asi cang. Melbourne khuapi um Chin khrihfabu, pumpak le chungkhar nih an thawhmi dollar ting 2 le thong 80 leng asi ve cang. Adelaide khuapi um Chin khrihfabu pakhat nih dollar ting 1 a hlut.
An khua um pumpak zong nih an thawhmi thong tampi um. Brisbane khuapi um Chin khrihfabu le pumpak nih an thawhmi dollar thong 40 hrawng asi ve. Credit: The Chin Express
RELCHAP: Hakha SAC Palik nih an Tlaihmi Pu Tler Ling a Nunnak a Liam
———–
May 9 ah Hakha, Nawi ah SAC palik nih an tlaihmi Pu Tler Ling (kum 60 hrawng) cu nihin ah a nunnak a liam, tiah chungkhar sin in thawng kan theih.
Pu Tler Ling hi nihin zinglei ah ralkap motor in Kalaymyo lei ah thlopbul ding in an kalpi i lampi ah a nunnak a liam hi a si. Pu Tler Ling innpa pakhat nih, “Nihin ah Kalaymyo sizung lei ah an kalpi i, lampi ah a nunnak a liam. An hrem tuknak ah a thihmi a si kho men,” tiah The Chin Journal ah a chim.
May 10 ah Nawi ah minung 5 an tlaih hna i, Pu Tler Ling le a hawile pahnih hi Ngauthutlang ah an tlaih ve hna. Pu Tler Ling hi Hniarlawn khuami a si i Hakha khua, Cherry lamsang, UPC biakinn thlang ah a ummi a si. Hakha lei ah ralkap nih a ruak an rak kirpi lio a si.
Kalaymyo lei ah Pu Tler Ling a kalpitu ralkap pawl nih Hakha kan phak tik ah kan in chawnh te hna lai tiah chungkhar an rak chawnh hna, tiah kan theih. Credit: The Chin Journal
ThawngDang Pakhat: Ralhrangbu nih an i cit mi Tilawng an kah
Ralhrangbu rallokap pawl an rak i cit mi Pauktang tiah auh mi Tilawng dot hnih cu May 11 zingka ah Shweku Ngabawa pawng ah KIA nih an kah tiah theih a si.
Nihin suimilam 7 hrawngah Ayarwaddy tiva bitnak ah Meithal ngan he an kah caah Tilawng Set lei an khen ”Tilawng cungah rallokap pawl zong nih Meithal Ngan pathum le Meithal fa mi pawl in an kah. Tilawng hnulei zong an khen, Rallokap lei hma pu mi an um nain, dir lo in an kai chih tiah” a hmun um mi pa khat nih a chim.
Kan hnu May 7 zong ah Shweku lei a kai mi ralhrangbu Tilawng pahnih an kah hnuah a tli mi Tilawng khaltu pawl cu rallopkap nih an tlaih than hna i tuzing ah an rak kai tikah an kah than mi a si tiah theih a si. Meithal thawng nih Zinbo khua mi tarpa pakhat kum 60 hrawng cu a lungzawt nak a puang i a thi tiah a hmun um mi an chim. Mah Tilawng nih Facang tun 1000, ei din le rallomap pawl a phurh tiah theih a si. Credit: The Chin Post
Note: Thawngpang a kenkip kan khawmhsuat tawn i Careltu zong nih a tam tuk ti’n vuivai lo tein rak kan rel piak ulaw, Laimi nih cun zei tluk in dah ca kan rel tam a herh timi kha biatak tein kan i tleih chih ahau ngaingai mi a si. Ca na kan rel piak mi cungah le Angei tu hna cung zongah lawmhnak tampi kan ngei. Share zong in rak kan bawm tthan rih.
