Related Articles
Chinland FC nih Tedim khua Covid kilvennak caah Ting 30 man thil an hlut. Chinland FC lutlai U Nine Hung le chung tel pawl nih CHINLAND FOR TEDIM ti in tuni May 27 zingka ah Chin Pyinay Tedim khua i um mi ngandamnak zung ah Covid venhimnak ah thil ri an hlut hna.
Chinland FC in PPE 30, Mask 4000, Raba kuthrolh 1000, Hmasi thuh 1 liter 100, Chindland FC uniform 30 le Blanket a ngan mi 30, a phaisa in cun ting 30 leng man cu ngamdamnak ding caah an hlut hna. COVID-19 zawtnak kham nak le ven himnak a tuah mi rian tlai hna nih Chinland FC cu a hlei in kan i lawm tiah theihternak an tuah.
Chinland FC Chindland for Paletwa timi zong in Chin Pyinay Paletwa khua te hna i ralzam pawl hna zong an si khawh tawk in an zuam hna caah mah bawmhnak ahhin ti khawh tawk cio paoh bawmh khawh a si tiah sawm a si. Credit: Zalen
A Dang Reltthan: SAC ralkap nih Rev. Dr. Peter Za Hlun Thang te sianginn an luhhnawh, faak ngai in an velh hna. May 26, 11:00 pm Yangon Hmawbi um Rev. Dr. Peter Za Hlun Thang sianginn cu SAC ralkap nih an luhhnawh hna i a fapa, saya Pa Sui le midang pa thum zong faak ngai in an velh hna, tiah kan theih.
“An phone an check hna i, a fa pa nih Miss Myanmar a rak share mi post pakhat ruang ah fak taktak in an velh. Rev. Dr. Peter Za Hlun Thang zong khukbil ding in voi hnih an ti nain, a duhlo pin ah, nan lung si tiang in rak kan check uh, sualnak kan tuah mi pakhat hmanh a um lo a ti hna.
Rev. Dr. Peter Za Hlun Thang te chungkhar hi atulio kan ram a har lio ah misifak le miharsa hna sin ah an si khawhtawk in bawmhchanhnak petu an si pin ah Chinmi ralzam hna zong a zuanhnawh mi an si i, hi bantuk in sualnak ngeilo an luthnawh hna i an naule tiang an velh (kutthlak) mi hi cu lung a fak taktak,” Rev. NC Thawng Tha Thang nih a facebook cahmai ah a tial.
Tutan an luthnawh hna hi Hmawbi ah sianginn kai kho lo ding in a cawlcang mi hna lak ah Chinmi an um tiin report tu an um ruang ah ruahdamh in an luhhnawh hna hi a si, tiah kan theih. Credit: The Hakha Times
