Related Articles
Cikha ah Minung 100 Hrawng Thaw Dawp-Chuah Har in Ruah Lo piin an Zaw Hna Chin ramkulh, Tonzaang peng, Cikha khua ah minung 100 hrawng cu COVID-19 zawtnak bantuk in thaw dawp-chuah i harh in an um hna i sizung ah an chiah hna.
Ruah lo piin mizaw 100 hrawng voi khatte ah an um tik ah thlopbultu sii saya/sayamate le thli dawpnak oxygen dur tibantuk lakhruak in bawmh an herh ngaingai. Credit: The Chin Journal
A Dang Reltthan: Kawlram ralkap nih February 1 in rampi nawlngeihnak an laak hnuah kum tling lo ngakchia 73 hi an thah cang hna timi kongah minlanghternak felfai te he NUG nih cun mipi sinah theihternak an ngeih hna. Ralkap thahmi ngakchia 73 chungah nu 9 an i tel i pa 63 an i tel. Mipi an thahmi dilak/zate hi 850 tluk an phan cang.
Kum tling lo ti a si ruangah kum 18 in a tanglei paohpaoh a huap dih. Cazin an laakmi hi February 15 in May 15 tiang ta a si. Tthenkaht cu duhlonak langhter in zamlawhnak ah kah thah mi zong an um i tthenkhat cu inn chung ah um sawhsawh cuahmah ko lio i thah mi zong an um. Tthenkhat hna cu inn pawngkam hrawng i aa chokvaak lio mi hna an kah hna tibantuk a si. NUG nih hin ralkap nih thahmi ngakchia 73 an um cang tiah an langhter mi ah Ralkap nih khuapi ning pi nih a dohmi Demoso le Khani khua i ngakchia thimi cazin an telh manh rih lo nak kong zong an tarlangh chih.
Ralkap nih ngakchia 73 an thahnak hmunhma pawl cu Myintkyina ah 1, Kale ah 2, Shwebo ah 1, Mungzua ah 2, Tilin ah 1, Mindat ah 3, Yaysakyo ah 1, Magway ah 1, Taungdwin ah 1, Pathein ah 5, Yangon ah 13, Daawei ah 2, Launglon ah 1, Kawthaung ah 2, Myeik ah 2, Mawlamyine ah 1, Hpa-an ah 2, Bago ah 4, Hpapun ah 1, Myeiktila ah 1, Windwin ah 1, Myingyan ah 6, Mandalay ah 17, Madaya ah 1 le Muse ah 1 ti’n NUG nih cun an rak tarlangh mi cu a si. Credit: Vapualauaw
A Dang Pakhatin Reltthan: Kalay Myo ah Uico ralkap lei nih an tlaih i suimilam 24 chung an velh/hrem nak ah a thi. Kalay Myo Ko Min Min ti mi cu ralkap nih May 24 ah an tlaih i May 25 ah a ruak rak laak dingin a chung le thawng an thanh hna. Ko Min Min cu tuk velh nak hma tam pi he a nunnak a liam tiah theih a si.
Ko Min Min hi Kalay Myo, Myo Thaa Sang, Nankaling tiva pawng i cycle remhnak hmun ah Ko Min Min cu ralkap nih bia hal ding kan in ngei an ti i Mya 24 ah an kal pi mi si. Credit: Chin World
