Related Articles
CNF/A caah Thawngpang Ttha Taktak, Lawmhnak Mitthli A Luang Ee
Australia um Western Australia Chin Christian Church (WACC) khrihfabu nih kan Chin Miphun Ralkap (CNA) caah $100,000 (Kawlram ting thong 1) a hlut. A sunglawi tuk hringhran.
Atu bantukin kan Chin Miphun Ralkap (CNA) caah dollar ting 1 bak an hlutmi hna hmuh tikah zohchun awk tlak taktak an si. Chin miphun a kan runvengtu hna CNF/A hna hi thazaang kan pek hna awk ding an si.
WACC khrihfabu cu Western Australia state khualipi Perth khua ah ummi asi. Perth hi Australia ram ah Chinmi tambik pahnihnak khua asi. Atu bantukin miphun dawtnak le zawnruahnak he bawmhnak an pekmi hmuh tikah lawmh a tuk hringhran. Bawipa nih a thluachuah za he lam hruai ko hna seh.
Hi bawmhnak kong he pehtlai in CNF/A upa pakhat a simi Salai Bawi Lian Mang nih hitihin a taar ve. “$ 100,000 for CNF National Emergency Fund. Western Australia Chin Christian Church (WACCC) contributed $ 100,000/-(one hundred thousand dollars) for Chin National Front’s National Emergency Fund. I hope every Chins around the world welcome this news with a new hope and inspiration.
“Australia ram nitlak lei Perth khua I aum mi Western Australia Chin Christian Church nih CNF Emergency fund caah dollar tingkhat $ 100,000/- kan thawh tiah an Kharihfa upa Pu Ceu Lian Mang sin in thawng kan theih. Khuaza um Chinmi nan rak ilawm cio theu lai,” tiah a taar ve.
RELCHAP: Hakha GTI Caankarlak Uknak lei Rianttuantu Council Thar an Dirh
———–
Ralkap uknak doh caan chung Hakha GTI sianginn uknak lei kong a tawlreltu ding Council thar cu May 9 ah an dirh, tiah thawng kan theih.
Hakha GTI uknak lei Council thar nih aa tinhmi cu: (1) Federal Democracy fimcawnnak system ser ding. (2) University le College hna nih mahte tawlrelnak nawl ngeih ding. (3) University le College hna nih mahte uknak/i hruainak nawl ngeih ding timi hna hi an si.
Caankarlak Hakha GTI uknak lei Council chungtel ah Students Union palai hna, cachimtu sayate palai hna, cozah zung lei palai hna le GTI siangngakchia hlun palai hna an i tel, tiah cathanh ah an langhter. Credit:The Chin Journal
Note: Thawngpang a kenkip kan khawmhsuat tawn i Careltu zong nih a tam tuk ti’n vuivai lo tein rak kan rel piak ulaw, Laimi nih cun zei tluk in dah ca kan rel tam a herh timi kha biatak tein kan i tleih chih ahau ngaingai mi a si. Ca na kan rel piak mi cungah le Angei tu hna cung zongah lawmhnak tampi kan ngei. Share zong in rak kan bawm tthan rih.
