Related Articles
Mindat mipi lei ttang in ralkap pawl kan doh lai tiah CNF lei nih an chim cang. Minung a thong leng nih khua chuah tak in ram lakah an um i Mindat khua chungah cun minung tlawmpal lawng an um tiah mipi uk tu pakhat nih a chim. .
Fak tak tak in dohnak a chuak mi Mindat khua cu CNF pawl nih kan doh ve hna lai tiah May 15 ah thawng a zamh. Mah le mah ivennak dingah ralkap pawl cu raldoh nak lei zong in siseh khua le ram caa zong in siseh kan doh ve hna lai tiah chim nak nawl a ngeimi Salai That Nii nih MYANMAR New ah a chim.
Ral kap lei tuahser nak hi mipi hrem bak si. Cu ruangah CNF si nak in khua mi himnak kan run ven lai tiah a chim. Mindat khua chung i um mi ral kap pawl le mipi runven nak phu pawl cu nazi 72 chung fak taktak in an i doh hnu ah ralkap nih uk nak a lak.
Ralkap pawl cu seh meithel, meithel phun phun lawng si lo in a langhlat kahnak ram dang nih an hman mi pawl in an kah hna i mipi nih cun thalphir le kut in ser chom mi bomb in an i kham. Ralkap lei nih minung hriamnam tha bik an hman ruang ah hnu kan kir nak si tiah mipi uk tu hna sin in tu zaan lei ah thawng kan theih. Tu lio Mindat si ning ah cun ram chung mipi veng tu Mindat khua chung in an chuah chung caah Mindat cu ralkap nih an uk hna.
Tu zing ahcun hriamnam a nganmi pi pi an hmang rih. Cun Sanneihpaa zong in an kan kah rih tiah Mindat khua chung mi pakhat nih May 16 ah chun ah a chim. Mindat khua cu minung a thong leng nih khua an chuah tak ii khua chung um mi cu tlawm te lawng ah si. Ralkap he an ii doh nak nazi 72 chung ah mipi lei in minung 5 an thi ii minung 10 leng hma an tuar.
Mah ii doh nak ah hin ralkap lei minung 30 hrawng hi an ii khong lai tiah khua mi hna nih an chim nain MYANMAR New nih tha tein a thei kho rih lo. Ralkap lei thawng an zamh nak ah cun Motor 6 mei in an khanh ii minung cheu khat an thi a cheu cu an thlau tiah an chim.
RELCHAP: CRPH/NUG NIH RALȚHA TAKTAK IN AN NAWR NGAM RIH LO MI ROHINGYA POLISI CRPH nih tlik le zaam in Zenthong karlak ah Cozah an ser khawh. Cozah ser ning hi phun thum in aum. 1. Coaliation Cozah 2. Federal Cozah 3. Unity Cozah. Tlangcung mi nih kan zumh cemmi cu pakhatnak le pahnihnak asinain Pathumnak asi mi UNITY COZAH in an ser. Apoi tuk nak a um hlei lo. A tha tuk ve ko. (Ka țial than te lai)
NUG an dirh hnu ah ram tampi nih an dirpi ko nain mizei ram hmanh nih Cozah pakhat ah an pom kho rih lo. Dirpi le Pom cu aa dang tuk. NUG hi Cozah pakhat ah pom asilo ahcun ICJ le ICC kan timi zong hi pakpalawng asi. Cun NUG nih a dirh mi ralkap PDF caah phung ning tein Hraimnaam bawmh khawh asi lai lo. Kan i ngaih tuk mi FEDERAL ARMY zong dirhnak lam a um lo. Ramdang nih hriamnaam bawmh lo in kanmah tein black market ah cawk chom ding cun hraimnam thatha a ngei cang mi Kawl Ralkap tei hi a fawi lai lo. Black Market ahcun Kawl ralkap tei khawhnak ding hriamnaam țhatha zong cawk awk a um fawn lo. Vawlei cung ram pakhat te tal nih NUG hi Cozah ah raltha tein a pom a hau. Cu hnu lawngah hrainaam thatha zong phung ning tein a kan bawmh khawh lai.
NUG hi Cozah pakhat ah vawlei pi nih an pom khawh lo nak a ruang pakhat cu ROHINGYA kongah asi cem. Vawlei pi nih Kawlram an cuanhnak tawh fung hi ROHINGYA kong asi. Atu lio Ralkap nih minung a kan thah cuahmah mi nak in Rohingya kong hi an Interest deuh mi asi. Kan hnulei i UNO le UN Security Council nih Kawlram kong bia an ceih zong ah ram kip nih Rohingya kong an biachimnak ah an telh viar kha na theih ko lai. NUG nih Rohingya miphun kongah Rammi sinak (Citizenship) le Rohingya miphun humhimnak polisi aamahkhan nak an ngei lo ahcun kan i bochan cemmi USA le UK zong nih UNG cu Cozah ah a pom kho lai lo. Tunai te i tuahmi US hlutdaw zong ah NUG kong an ceihhmai ko nain NUG nih Rohingya miphun caah polisi fek mi a ngeih lo caah US bank i chiah mi reserve fund $ 1 billion zong chuah khawh asi lo nak asi.
Kawlram ramkhel ah Rohingya kong hi hna i chet ter khawh asi ti lai lo. Kawlram Ralkap kan tei khawh nak hnga Rohingya miphun hi dirpi ding caan asi cang. Rohingya miphun nih ram (Autonomous Land) an hal lo, State an hal lo. Taizintha sinak an hal lo. An hal mi cu Citizenship le Equality asi ko. Minung ansi ve i Kawlram ah An Pipu in aum ve mi an si caah Kawlram mipi he Tlukrualnak (Equality) cu pek ve cang ding an si.
Kawl ralkap kan teinak ding a phi chuak cu ROHINGYA kong ah asi te lai. NUG nih Rohingya caah a fek mi polisi an ngeih hlan chung cu Ralkap kan teinak ding lam a hla tuk rih ko lai. Chinmi nih Rohingya hi kan dirpi awk asi cang ko. NUG zong nih ral tha tein Rohingya dirpi cang ko hna seh. Pathian duh ning zong asi ko lai tiah ka zumh. Azidawpung. …Awng zah me. Credit: Israel R. Thang
