Related Articles
BIAHALNAK (3) CRPH/NUG hi Chinmi dihlak nih kan dirpi hna awk asi maw?
LEHNAK (3) A tawinak in kan leh lai. YES! Ralțha tein kan dirpi hrimhrim awk asi. A ruang tampi a um. CRPH/NUG hi perfect zumhtlak asi ka ti duhnak asi lo. Asinain Dothlengnak caah kan dirpi a herh hrimhrim. CRPH/NUG nih dothlengnak caah Tlangcungmi an kan herh bantukin Tlangcungmi zong nih kan herh ve hna. An mah lawng nih dothlengnak an tuah khawh lo bang kanmah lawng zong nih kan tuah kho ve lo. Aa țhen kho ding kan si lo i a țuan țiding kan si. CRPH/NUG kongah Negative view le Positive view in kan zoh ta lai.
(A) NEGATIVE VIEW 1- NLD party nih kum 30 chungah Phunghrampi Draft an rak ngei rua lo (ka fiang lo). An ngeih lo ahcun an mawh bak. 2- An ngeih ko ahcun ziah tutan ah Federal Charter in an kan kal pi. An ngeih mi phunghram ah Tlangcungmi nih kan duhmi Federal kong aum lo caah maw an chuahhpi ngam lo ti awk in lunghrinh awk aum. 3- Zeiruang ah dah caan karlak Cozah sernak ah FCDCC Draft Constitution an hmang duh lo. FCDCC Constitution cu AEOs pawl siseh Tlangcungmi party pawl le Ex NLD MP pawl nih rak suai mi asi FEDERAL CONSTITUTION asi. (Dr. Lian Hmung Sakhong zong aa tel ve). 4. Atu tiang Phunghrampi an ngei rih lo caah cozah tling an si kho rih lo. Etc. Note:- A cunglei kong hi an tling lonak ka langhter sawsawh mi asi. Soisel asi lo.
POSITIVE VIEW 1- CRPH/NUG nih miaknak hmuhnak um bak loin nunnak pek in dothlengnak an tuah. Tlangcungmi he kau piin rian an țuan. Thangthat awk tlak taktak an si. 2- Federal Charter a muru taktak hi a țha lomi a um lem lo. Ralțha tein zum ko hna usih. 3- kum 70 chungah CRPH/NUG nih an tuah mi Federal charter bantukin Tlangcungmi caah Federal innka aa ong bello. Kum 70 kan aupi mi cu CRPH/NUG nih lam a sial cang. Kan caah caan tha taktak asi. Thangțhat an tlak.
BIA DONGHNAKCRPH/NUG tlinglo nak chimrel tuk ding kan si lo. NLD cozah ah ruah ding ansi lo. Caan karlak Unity cozah an si. Kan zum hna lo eh ti rumro ding zong ansi lo. An tlinglonak lei in cawih le virh caan asi ti lo. Biatak cu mah hihi asi. .CRPH/NUG lo cun do kan thleng kho lai lo i an mah long zong nih an thleng kho ve hlei lai lo. Cucaahcun Chinmi nih CRPH/NUG cu raltha tein kan dirpi hrimhrim awk asi. Biatak cu lehkhan a hau ko. Azidawpung (Awngzahme). Credit: Israel R. Thang (FB)
