Related Articles
Dr. Hmuh Thang kongah thawng Kantheih Mi Nai i Thantlang, Hakha CDF le MAH ralkap an i kah lio ah khan MAH ralkap tamlak tenih hliamhma an tuar i cuhna cu Dr. Hmuh Thang Lian Lian panih a thlopbul hna pinah a mah Mawtaw bak in a thlah rih hna tiah thawng kantheih.
Culawng hmanh si rih lo in a khuami hna zong Lamzawh lei in siseh CDF lei rianttuannak lei in siseh Zophei Mino he rianttuannak lei in siseh a mah Dr. Hmuh Thang nih a thloh hna pinah a mah mithmai zoh in a khuami hna zong an um tiah thawng kantheih i hihi cu kan Miphun tthanchonak ding caah a dawnkhan taktak mi asi.
Note: Hi thawngpang hi a dik le dik lo kan thei lo i Leng Zi timi facebook chirhchan in The Chin Media group ah a rak thlahmi a si caah kan nih cattialtu nih kan rak thlah chin mi a si. Kan mah i kan ruahdamhnak in kan rak ttialmi a si lo ti kha nan kan theihpiaknak lai kan in nawl hna. Cun hi thawng hi a dik ko a si ahcun Laimi kan ca ahcun thil poi taktak a si hnga zei catiah Dr Hmuh Thang te hna cu Laimi nih kan i bochanmi hna le Kawl cozah hmanh nih upat ttihzahmi an si tikah kan hmai a bit pinah Laimi thinlung ah a dam kho ve ti lai lo.
Adang Reltthan: KIA nih cun Kachin ramkulh phakan myone Sha Htoo Zu Ohsuh, Kan Kok khua i um mi Yuzana Company Factory cu ralkap pawl nih idornak i an hman tawn ruangah May 19 zan suimilam 9 hrawngah khan an hrawh piak dih hna i a chun lila ah Sum Pradum myone i zinaan(oil) phur mawtaw 2 cu lampi ah an khangh piak hna.
Yuzana Company Factory cu Covid 19 hrirai ruangah rian an peh kho ti lo i, ralkap nih nawlngeihnak an laak beh hnu ah rianttuantu le hngaktu zong um ti loin a lawng. Cutikah ralkap pawl nih zaanriahnak le idinhnak tibantuk ah duh paoh in an hman i khua mipi pawl um a nuam kho ti lo. Cu ruangah Kachin ralkap KIA nih an hrawh piak lawlaw hna nak a si.
Khuami pakhat nih cun “KIA nih cun a ho hmanh um hlah uh tiah an chim peng ko nain, kan hnungah ralkap pawl cu ra in an rak riak colh beh. Idinhnak tibantuk le zaanriahnak tibantuk ah an hman lengmang i khua mipi pawl um a nuam kho ti lo. Cubantuk um ti lo dingin KIA nih cun an hrawh piak lawlaw hna hi a si.” tiah Kachin thawnglatu sinah a chim.
May 19 tthiamtthiam, chun suimilam 2 hrawngah Po Ta Oo lam leiin a kalmi zinaan(oil) kalan 2800 phur mawtaw 2 cu Maing Thong le Kharan khua pawngah KIA nih an rak kah i mawtaw 2 cu bomb in an puah hnuah a kang dih. Mawtaw chung i a um minung 4 chungin 2 cu an zaam manh i 2 cu hliamhma an tuar caah an tlaih hna. Ralkap nih oil lei an chanbau ngaingai caah KIA nih hin ralkap neknak hrimhrim ah an khangh piak mi hna hi a si.
Maing Thong khuami pakhat nih cun “KIA nih oil a phurmi mawtaw 2 an khangh piak hna timi hi biahman a si i kan khua pawngah a si. Kan theih ning ahcun meithal in an kah hmasa i bomb in an puah hnuah a kaang. Mawtaw chung i Oil cu lak ding zong a um ti lo. Oil cu ralkap neknak ah KIA nih an khangh mi a si.” tiah a chim. Credit: Vapualauaw
