Related Articles
Matupi in Hakha lei ah SAC Ralhrang pawl Motor 3 in an Ra
Motor pathum khat in SAC ralhrang pawl cu Matupi in Hakha lei ah an rak ra i Aika khua zong an phan cang. Chun sml. 1:30 hrawng in Aika in an chuak i Surkhua lei ah an rak ra hna. Surkhua le Aika hi meng 15 hrawng an i hlat. Credit: The Chin Journal
A Dang Reltthan: Nai tan CDF-Mindat le SAC ralkap ikahdohnak ah Mindat khuapi cu SAC ralkap nih hriamnam in siseh ralkap thazaang in siseh tam tuk a chap caah CDF-Mindat zong mipi ca zawnruat in hnung an tolh rih tiah kan rak theih hmanhsehlaw kan rak kir zau lai i kan doh tthan hna lai, kan rau lai lo tiah an rak chim.
Cu an chim mi cu nihin May 30 ah a tak in a vun lang tthan cu a si, nihin lawng bak ah CDF-Mindat nih uico ralhrang minung 6 bak an thah hna tiah theih a si hleiah tam taktak an hliamh hna. Mahbelte CDF-Mindat lei in hliamhma tuarmi minung 10 hrawng cu an um ve i minung 3 hi an faak ngai tiah kan theih ve.
The Hakha Times nih cun ti hin a rak langhter “May 30 CDF-Mindat le SAC ralkap kahdohnak ah SAC ralkap 6 hrawng an thi i tamlak an hliamh hna. CDF-Mindat lei in minung 10 an i hliam i cu chung ah 3 cu an hliamhma a faak ngai, tiah Mindat CDF Thawngthanh Phu nih an thanh.” ti’n an rak langhter mi cu a si.
Thawng Pakhat In Reltthan: Tuluk hrokhrawlnak Scientist Pahnih Nih An Phuan England rammi virus lei thiamsang Professor Angus Dalgleish le Dutch miphun virus thiamsang, Dr. Birger Sørensen nih Covid-19 rungrul cu tha tein kherhhlainak an tuah hnu ah an hmuhmi report cahmai 22 cu nizan ah an chuah i, Wuhan Institute of Virology in a thawkmi Covid-19 zawtnak virus cu amah te kokek in a chuakmi si loin Tuluk sceintist hna nih an serchuahmi a si tiah an fehter.
Tuluk cozah nih palaak in a chuakmi a si tiah vawleipi theih in an thanhmi hi lih lawngte a si an ti. Wuhan Institute of Virology ah an serchuah i, virus an zuhter hnu ah Tuluk cozah scientist hna nih Covid-19 virus cu palaak in a chuakmi rungrul ah an serchuah than tiah an chim. President Donald Trump chan ah US sipuazi biatak tein an thangcho i Tuluk nih US a zuamcawh mi cu a ruahning tluk in phak khawh ding a si ti lo. President Donald Trump nih Tuluk cozah cu US he trade kongah biatak tein a rengh.
Kum 20 renglo Tuluk he trade an tuahmi US an sungh zungzal mi cu president Trump nih a cohlang kho ti lo. Cucaah Tax tam deuh a laak hna i, Tuluk he rade War a chuak. President Donald Trump nih a rengh khawh hna caah Tuluk cozah nih US lothlo hna thil chuakmi kum 2 chungah US dollar 200 billion man tluk cawk ding a si pin ah ngunkhuai zong tam deuh in pek a hauh caah Tuluk cozah an lungtling lo, mah ruangah Covid-19 hi an zuhter mi a si lai tiah mi tampi nih an zumh. Credit: Salai Lairamthang
