Related Articles
Donald Trump nih a duh mi a chim khawhnak ding website thar an tuah piak
US President hlun Donald Trump hi Twitter nih account hman an sianh lo pinah Facebook le Youtube zong nih tukum January thla Capitol buainak ruangah a ccount cu an phih piak hna.
Mahtin a si caah Trump nih hin a ruahnak le a chim duh mi cu Press Release lawngin a chim tawn caah a tu bantukin a duhmi a chim khawhnak dingah Website donaldjtrump.com cu an tuah piak hi a si. Mah website ah hin Facebook le Twitter bantukin mi nih Like le Share zong tuah khawh a si te lai.
Trump Senoir Advisor Jason Miller nihcun “Trum caah kan tuah dingmi Social Media Platform cu a turu bak lai tiah a rak chim nain, an ruah hnuah Website bantukin an kalpi than mi a si” tiah a chim. Facebook Oversight board nihcun Trump cu an phih piak zungzal ding le ding lo kongah biachahnak an tuah ve lai tiah theih a si. Zungzal caah an phih piak lo ding a si ahcun Trump Facebook Account cu ni 7 chungah an nun ter tthan te lai.
Youtube zong nih Trump Account cu thazaang thumh in i thihphaihnak a niam tikah kan nun ter than lai tiah an chim. US President hlun Donald Trump nih follower 88 million a ngeihnak Twitter belte nih Trump Twitter account a zungzal caah a khar piak cang.
Mah Website hi Campaign Nucleus, Digital Service Company, Trump Campaign Manager hlun Brad Pasrcale Company tuah mi a si.
Credit: The Chin Post
RELCHAP: Hakhathar ah Pastor Pakhat Telh in Minung 7 an Tlaih Hna
———–
Nihin chun sml. 1:30 hrawng ah SAC ralkap nih Hakhathar, Nahau tlang ah luh hnawhnak an tuah i pastor pakhat telh in minung 7 an tlaih hna, tiah kan theih.
Tlaih a tongmi hna cu Hniarlawnthar Gospel Khrihfabu pastor saya Sang Awi, Cung Bawi (Tiphul), Pu Rual Mang (Hranhring), Pu No He (Hairawn), Tha Biak pa (Hakha), Ngun Kung le a hawipa an si hna. Nahau tlang in SAC ralkap pawl an kir cang i a cunglei minung 7 hi an kalpi hna, tiah Hakhathar khuami nih The Chin Journal ah an chim.
Credit: The Chin Journal
Thawng Dang Reltthan: Kawlram Mipi Caah Cun Phaisa Tlang Nakin Sui le Ngun Tlang Ngeih A Him Deuh Cang
Ralkap Council nih uknaak an laak hnu in Myanmar phaisa KYAT(MMK) a hluutnak cu nikhat hnu nikhat a niam/tlak chin lengmang. Myanmar Bank rianttuan tu a tam deuh zong CDM ah an lut hna, an i hawng/ong tuk han lo, ATM in phaisa laak ai tim mi tete hna zong sau taktak in i tlar a si i cu zat tiang lawng laak/thoh khawh ti a si caah duhning zongin laak khawh a si lo.
Mipi tam deuh nih cun hi ralkap tang i phaisa tampi he um nak cha cun Sui(Gold) cawk hi a him deuh lai tiah a ruat mi zong tam pi an um. Mipi a nung kho deuh mi le sumdawng pawl nih cun Bank i phaisa ichiah nak cun Sui tlang cawk i zohkhenh hi a ttha deuh timi an tam cang.
Tu lio hi cu Rangoon le Mandalay ah cun Sui dawr hna cu khar deuh ngawt a si caah cawk duh zongah dawr ai khar tikah cun cawk awk a har ngai ti si. ATM bank ah le duhning in phaisa a um lo caah, zing suimilam 4 hrawng in ai tlar mi hmanh tlawm te lawng laak khawh a si i, Sui TThi siseh Ngun tlang cawknak ding ahcun ni zei maw zat cu ATM ahcun i tlar hau dawh phun a si.
Ralrap nih nawlngeihnak an laak hnu thlahnih hrawng hi cu zei hmanh chawlehnak lei a tluang kho hrim lo. Tu hrawng belte hi Sui dawr tthenkhat hna cu an van i hong/ong ngaingai cang hna. Sui man zong cu a fak ngaingai i peihta pakhat ah Ting 14,70,000 hrawng bak cun a man cu a kai ko, hi a kai ve nak zong a ram kip in sui man a rak kai ve ca zong ah a si. Local rate hi san lo awk a ttha lo i vawlei cung market rate ahcun US $ 1700/0z bak a si.
Thawngpang a leng tiah kan theih mi cu Myanmar Bank Note i MMK 5000 le 10,000 hi thah in MMK 20,000 tlang siam an timh tiah theih a si i Kawlram phai a hluutnak a niam pinah Kawlram mipi nih hi Myanmar phaisa kongah hin zumhnak cu a tlawm cang caah Sui le Ngun in cun rian an ttuannak cu a si.
Economics le Banking lei i cathiam sang hna le Bank staff hna nih cun CDM cu a tu ralkap uknak duh loin an dirpi cuahmah chung ah hin cun Kawlram mipi caah cun a mui ngaingai rih ko lai.
Donghnak Thawng Relchap: Salai Tin Maung Win: Zuu Din Rit Pah Buin Meithal Tlaih Hi Dothlennak Tuah Lio Ahcun Sungh Zatlaknak A Si
CDF cawl canghnak thawngtha tete kan theih tikah kan i lawm cio. Cubelte cu zu din rit pah buin meithal tlaih hi dothlennak tuah lio ahcun sungh zatlaknak a si i miphun dawt zong a si lo zia hi kan theih hmasa a herh lai.
Cun hmailei ahcun ralkap chungin zam a duhmi an um len te lai. Chinram ahcun kawl ralkap nih cun zamnak an thei lai lo caah him tein an zam khawhnak lam hi Chin ralkap nih lam sial piak thiam a herh lai. Cuti tampi an zam ahcun doh lennak hmanh in a miak deuhmi strategy phunkhat a si lai.
Cun ralkap station chung i a rian tuannak he pehtlaiin a lut chuak lengmang mi nih a chimmi cu Ralkap battalion timi hi an min lawng si. Ralkap an tlawm te a ti. Cucaah tulio bantuk i ral dohnak tual tampi ser hi kawl ralkap an thazang dernak strategy phunkhat a si fawn.Gate an cawnghter mi hna ralkap pawl tam deuh cu pension lak za cang pawl le dotla lo deuh pawl an si an ti. Hi pawl nak cun kawl ralkap nih a hman mi Dalaan pawl hi tih an nung deuh te lai.
Dothlennak kan tuah lio ahhin dinfelnak hi kan herh khun. Ral phun (3) kan ngei i kawl ralkap le zu le dalaan pawl hi an si.
Credit: Salai Tin Maung Win (FB)
Note: Thawngpang a kenkip kan khuamhsuat tawn i Careltu zong nih a tam tuk ti’n vuivai lo tein rak kan rel piak ulaw, Laimi nih cun zei tluk in dah ca kan rel tam a herh timi kha biatak tein kan i tleih chih ahau ngaingai mi a si. Ca na kan rel piak mi cungah le Angei tu hna cung zongah lawmhnak tampi kan ngei. Share zong in rak kan bawm tthan rih.
