Related Articles
Tutan No Than Kap kongah Salai Lung Thli Tum zong a van i thlak ve cang. Salai Lung Thli Tum nih hin a hlan lio caan zongah a rak soisel ngai mi a si i, a tubantuk in nai tan meeting a kal mi kong ahcun ka chim bang khan kum khat hmanh a deih lo ti si cang.
Salai Lung Thli Tum nih a mah facebook Acc ahcun ti hin a rak langhter “Anih khi kan miphun caah tihnung virus a si tiah a tuahsernak tuanbia zoh in tam ngai ka rak tial. A dikmi ka tial ko nain phuntanh ai timi pawl nih cun thah nan rak ka timh. Live interview ah fawi tuk in an hlen khawh hna caah nan hei uar tuk ning kha. Hakha le Thantlang a rak tlung i congnak puan he Jesuh don bantuk in nan rak don kha mu, amah he hmanthlak ti nan hei uar ning kha.
Atu cu kum khat hmanh tling rih lo, ka chim cia bang a tial taktak a chuak than cang. Tuhnu thimnak ai cuh than tik zong ah vei pawl khi cu fawi tein an hleng than khawh rih ko hna lai dah.”
A Dang Reltthan: Covid-19 zawtnak in ZMC-ZRH ah zohkhenh lio mi Pi Tawk Tial, kum 63 Aizawl, Electric veng ah khua a sa lio mi cu Nihin May 22 zanlei suimilam 3 hrong ah khan COVID Pneumonia ruangah mual a kan liam tak. Tuzan lei ah YMA hall ah vui a si lai.
Pi Tawltial hi May 11 ah khan hri a kai tih theih a si hnuah BSUP ah chiah a si hnuah May 18 ah khan ZMC ah thial a si. Amah hi Ashhma le lung zawtnak a ngei cia mi a si. Kan hnu February thla ralhrangbu nih rampi uknak an lak hnu ah Tahan in Mizoram ah a rak ra mi a si tiah theih a si.
Kan hnu May 17 ah khan kan ram buai ruangah Mizoram ah a rak zam mi Pi Mang Dim, Thantlang peng Tlangkhua cu Covid ruangah mual a kan liam tak cang. Nihin tiang Mizoram chung Covid zawt nak a ngei mi zat cu 10024 an si. A thi mi 31 an si cang tiah theih a si. Credit: The Chin Post
A Dang Pakhat Reltthan: May 18 zaanlei thawk in Rungtlang 266 SAC ralhrang nih Loklung pawng ah mortar bomb in an kah hna caah khuami 850 hrawng hi atu ah ralzaam dirhmun in khua chingchang ah an um hna, tiah thawng kan theih.
A zaammi hna lak ah aa telmi pastor pakhat nih, “Kan khuapi ning in kan zaam. A zaam kho lomi thluaktlamtlinglo minung pahnih innchung ah kutka kan hrenhkenh hna i kan kaltak hna. Cun, meng 7 zawn ah a ummi chungkhar pakhat an zaam lo,” tiah The Chin Journal ah a chim.
A zaammi hna lak ah micheukhat tirawl aa kenmi an um bang in tirawl zeihmanh aa ken lomi zong an um hna. “Ramtang ah a zaammi cu kan um lo. Pawngkam khua pawl ah kan zaam hna. Micheu tirawl aa kenmi nih anmah tirawl an ei i, aa ken lomi pawl cu khuami hna nih ttha tein a kan zohkhenh ko,” tiah a chim chap.
Loklung khua ah SAC ralhrang nih inn an khanghmi a um lo, motorcycle an khanghmi pawl tu an um tiah a chim. “Inn an khanghmi cu a um lo. Motorcycle an khanghmi pawl tu an um. A lang in meikhu a hmumi hna nih inn an khanghmi ah an ruah caah a si,” tiah a cunglei pastor nih a chim.
SAC ralhrang nih CDF-Hakha chungtel pawl i motorcycle 30 leng an khanghpiak dih hna. Loklung ralzaam hna lak ah hin kum 5 tang ngakchia tete 50 leng an i tel, tiah CDF chungtel pakhat nih Myanmar Now ah a chim. The Chin Journal nih bia kan ruahmi pastor nih cun, “Ngakchia, tar le naupawi lio ralzaam cazin hi kan lak cuahmah lio a si i, fiang in kan thei kho rih lo,” tiah a chim.
May 18 zaanlei le May 19 zinglei ah SAC ralhrang nih mortar bomb in Loklung khua pawng ah CDF-Hakha an kah hna caah khuami pawl an zaam dih hi a si. May 19 zinglei ah hin CDF-Hakha le SAC ralhrang 70 hrawng Loklung khua pawng ah an i kap i, SAC ralhrang lei in minung 3 an thi, tiah CDF nih thawng an rak thanh.
A zaammi hna nih Loklung khua ah vung kal in thil sining an zoh ngam rih lo caah atulio Loklung khuachung thil sining fiang in theih a si lo. Credit: The Chin Journal
