Related Articles
Saram Siibawi Ralhrang Nih An Thah I A Ruak Lamkam Ah An Hlonh
Kachin ramkulh,Hupin peng ah Saram siibawi a simi Dr.Sai Kuan San@Nawn San kum 43 cu ralhrang nih an thah i a ruak cu lam cungah an hlonh tiah Khit Thit Media nih a tarlangh.
May 8 ah ralhrang rallokap nih Dr.Sai Kuan San@Nawn San cu biahal dingin an auh hnu ah an tukvelh i an thah,a ruak cu lamkam ah an hlonh,May 9 a ruak cu an char i an vui tiah theih a si. ” A tu mah thawngpang hi Hupin ah a langsar ngai mi a si,zei sualnak hmanh a ngei lo mi pakhat fawizaang tukin an hrem i an thah hi cu minung lungthin an keng hrim lo,mah bantuk in an thah mi hi zei ti hmanh nih lungtlin awk le cohlan awk a tha lo mi celh dingmi thil a si lo, zei ruangah an thah, zei upadi dah a buar, a ruak hi meithal hma, tukvelhnak phuntling in, a tu cu a ruak kan vui cang” tiah khuami pakhat nih a chim.
Ralhrang nih thahmi Dr.Sai Kuan San hi fa pakhat ngei a si. Credit: The Chin Post
RELCHAP: KIA doh ding le thih ngamh in hriamnam bomh ding ah khua a khaang mi Butaauu Uupa hna.
Buutaauu Nawng Uu khua ah KIA thah nak dingah chungkhar kip nih hriamnam an i tleih khawh nak dingah USDP lei in ralkap sin ah bawmh an hal.
KIA le NLD kahnak ding le, NLD hruaitu pawl tleih khawh nak dingah chungkhar pakhat nih hriamnam pakhat tal kan herh tiah a hal piak hna. USDP le ralkap ifonh in khua mi pawl khawmh in ral tuk cawnter dingah an forhfial hna.
Source: Myanmar Labour News
Thawng Dang RELCHAP: Hakha khuapi khua chehvel hmun cheukhat ah SAC ralkap nih bomb an hmanh
=====
Chin State Administration Council ralkap hna nih Hakha khuapi khua chehvel hmun cheukhat lam kam ah Bomb an hmanh tiah khuami hna sin in thawng kan theih.
Hi kong he pehtlai in min langhter duh lo minung pakhat nih, “Bomb an hmanhnak hi hmun thum hrawng ah a si. A hmun hi Innwa Bank hnulei, Hakha University pawngkam hrawng ah a si. Cun, bomb an hmanh mi hi pe 3 dan in an hmanhnak zong a um,” tiah a chim. Atu bantuk in SAC ralkap nih Hakha khua chehvel ah Bomb an hmanh hi CDF-Hakha he an i kah hnu in an hmanh mi a si. Credit: The Hakha Post
Adonghnak Ah Pakhat Reltthan: India Rampi Ni 10 Chungah Covid-19 Ruang i A Thi Mi Zat Hi 36,110 Leng A Phan
India rampi ah cawn ni 5 ah khan zawtnak thar an hmuh mi zat cu 4,14,554 an si i, ni hnih chung cu a peh in zawtnak thar hi nuai 4 leng cu hmuh an si.
Ni 10 liam cang mi chungah khan India rampi ah Covid-19 ruang i a thi mi hi 36,110 an um manh i, suimilam pakhat chungah mi 150 tluk hi an thi lai tiah ruahdamh a si. Ni 10 chungah khan zawtnak ruang i a thi mi hi 3,000 leng cu an um peng ti a si. Cawn ni 5 ni ah khan rampi chungah zawtnak ruang i a thi mi hi 3,927 an si cang tiah theih a si.
India rampi nih hin ni 10 chungah Covid-19 ruang i a thi mi zat a tam bik phan in cazin thar cu an siam hi a si. Tuan ah khan cun US nih hin a tambik Cazin dirhmun an phanh lio ah khan ni 10 chungah mi 34,798 bak te an rak thi i, ni 10 chung tho ah khan Brazil rampi ah mi 32,692 an rak thi ve cang tiah World Health Organisation(WHO) nih cun an chim.
Ram chungah zawtnak a ngei mi zat hi minung 36,45,164(ngei cuahmah lio mi) an um cang i, hi zawtnak angei lio mi ah hin arak ngei cang mi chung thawk in 16.96% cu an tling cang i, zawtnak in a dam mi hi 81.95% ah a van tla deuh ve ciammam. Hi zawtnak ai thihpi mi zat hi 1.09% cu an tling ve. India ram chungah Covid-19 zawtnak a kai mi hi kum 2020 August 7 ah khan nuai 20, August 23 ah khan nuai 30, September 5 ah khan nuai 40, September 16 ah khan nuai 50, September 28 ah khan nuai 60, October 11 ah khan nuai 70, October 29 ah khan nuai 80, November 20 ah khan nuai 90 bak phan in December 19 ah khan cun million cu an luan ve. A tu a voihnihnak(second wave) ah hin cun a kai thluahmah i tukum May 4 ah khan zawtnak a ngei mi zat cu 2 million nak tam an phanh hi a si.
ICMR nih cun May 6 tiang Covid-19 test nak hi voi 29,86,01,699 tiang a ngeih cang hna i, cawn ni 5 ni ah khan voi 18,26,490 tiang test nak an tuah tthan hi a si. Union Health Ministry nih an langhter ning ah cun State 10, Andra Pradesh, Maharastra, Uttar Pradesh, Delhi, Karnataka, Kerala, Haryana, West Bengal, Tamil Naduh le Rajasthan ah hin ram chung i zawtnak hi zakat chungah 70% hi cu hmuhchuah thar an si.
Note: Thawngpang a kenkip kan khawmhsuat tawn i Careltu zong nih a tam tuk ti’n vuivai lo tein rak kan rel piak ulaw, Laimi nih cun zei tluk in dah ca kan rel tam a herh timi kha biatak tein kan i tleih chih ahau ngaingai mi a si. Ca na kan rel piak mi cungah le Angei tu hna cung zongah lawmhnak tampi kan ngei. Share zong in rak kan bawm tthan rih.
