Related Articles
Daw Aung San Suh Kyi cu a voikhat nak amah minung biaceih zuung ah chuahpi in hlathlainak an tuah lai
Tlaihkhih a tong mi rampi ruahnak pe tu Daw Aung San Suh Kyi cu a ra lai mi May 24 zung chuah caan ah a voikhat nak a mipum zung ah check hlat nak a um lai tiah biaceih zung nih, ni hin ah biakhiah nak an ngeuh mi cu sihni U Khin Mawng Zaw nih RFA ah a chim.
A tu ah tuah kel online in biahal check hlat mi cu biaceih zungah check hlat si lo in Naypyidaw Zabutirih khua Zeyatirih ( ဇဗၼဴသီရိၿမိဳ့နယ္ ေဇယ်ာသီရိ ) veng Myanan Bungthar lam pawng special biaceih zung ah check hlat si lai tiah a chim. Amah minung zung ah biaceih lio ah sihni hna he a dang ten tonnak nawl ngei kho ding in biaceihbawi sinah a hmuh kawl mi sihni hna nih nihin ah an langhter nain zeihmanh fiang ten theih khawh a si rih lo tiah sihni U Khin Mawng Zaw nih a chim.
“Za long ten tonnak nawl a ngeih te hnga maw ti cu fiangten theih hngalh khawh a si rih lo , a mah pumpak zung chuah nak thong chungah , zung nih an chuah mi hna pawl cu zalong ten ton khawh si lo. Biaceihbawi a rat lawng ah zung in chuah si i biaceihbawi nih check hlat dih hnu ah biaruahnak nawl um lo in kal pi than a si. Cu ruang ah Daw Aung San Suh Kyi hmai ah a mah pumpak he tonnak nawl hmuh ding ah biaceihbawi cu nawl a si na in biaceihbawi sin in zei hmanh chim mi a um hlei lo. Daw Aung San Suh Kyi he mipum in ton khawh nak ding ah sihni hna nih thaten nawl nak an tuah hi a si.
Sihni hna he tonnak nawl pek le pek lo kongah nihin tuah kel online in zung ton biaruahnak ah biakhiah nak pakhat cu tuah ding a si na in, zung in ra mi palik cu biaceihbawi nih bia hal nak a ngeih tik ah cunglei ah a dot dot in langhter a si ruang ah biakhiah nak tuah khawh a si lo.
Daw Aung San Su Gyi humhimnak ding le Covid zawtnak chawnh khawh nak lam a um caah sihni hna he tonnak nawl kan pek lo nak a si tiah ralhrang rallokap lei in biachim nak nawl ngei tu Zaw Min Thun nih ram dang news thlah nak interview ah a chim.
Sihni phu lutlai si mi U Khin Mawng Zaw nih cun sihni hna he ton khawh lo nak ding an chim mi kong ah, co hlang lo in sihni le sual puh a si mi ton khawh nak ding cu phung ning te in sual puh mi i caan tha a si tiah a chim.
Rampi ruahnak petu si mi Daw Aung San Suh Kyi cu rallokap hna nih sual puh mi phun tam pi he pakhat hnu pakhat aa chap chin leng mang , Naypyidaw ah sual puh mi a phun 6 le Yangon zong ah a sual phawt 1 a um tiah U Khin Mawng Zaw nih a chim.
Daw Aung San Suh Kyi sual an puh nak pawl cu …… Laiawn um lo mi Walkie-talkie lamkal in biachim mi seh cawk mi an hmuh, Covid zawtnak ah zulh ding phung an tuah mi a zulh lo nak kong, pehtlaih nak phung zulh lo in a um mi, mipi hna daitein um kho lo ding ah timh lamh nak a ngeih mi le cozah secret act upadi hna an si. Cozah secret pawl act upadi cu thong kum 14 tiang thlak khawh a si.
Credit: The Chin Post
RECLHAP: Chin Mi Kan Pa Pakhat A Simi Le CRC Zongin Advisor Arak Ttuan Bal Mi Rev Lai Nou Nih Mual A Kan Liam Tak
Malaysia ah Chin miphun kan pa pakhat asimi le CRC ah kum 2019 lio in ruahnak petu (Advisor) pakhat zong asimi Rev. Lai Nou cu May 10, 2021 ni ah Pantai Hospital, Kuala Lumpur ah Pathian sinah a kan dinh taak. A mah hi Matu Christian Fellowship (MCF) ah caan saupi pastor a kan tuanpiakmi asi. Tantaakmi chungkhar le Khrihfabu member nan dihlak nan ngaihchiatnak kan in hrawmpi hna.
Note: Thawngpang a kenkip kan khawmhsuat tawn i Careltu zong nih a tam tuk ti’n vuivai lo tein rak kan rel piak ulaw, Laimi nih cun zei tluk in dah ca kan rel tam a herh timi kha biatak tein kan i tleih chih ahau ngaingai mi a si. Ca na kan rel piak mi cungah le Angei tu hna cung zongah lawmhnak tampi kan ngei. Share zong in rak kan bawm tthan rih.
