Related Articles
Mindat ah Kum 10 Ngakchia Nute Meithal nih a Khen Nihin zinglei sml. 7:00 hrawng thawk in SAC ralhrang nih Mindat khuachung ah an duh paoh in mortar bomb le meithal in inn pawl an kah i, innchung ah aa dupmi kum 10 ngakchia nute cu ahnulei liang pawng ah meithal kuan nih a khen.
“Sii-ai thlopbultu sayamate zong an um lo. Minung aa chokmi paoh SAC ralhrang nih an kah hna caah khualeng chuah khawh zong a si lo. Hngakchia nute hi a hliam a fak i a zualhma ngai,” tiah HKL Mindat nih a ttial. Mindat khuachung i inn pawl SAC ralhrang nih an bauh i an duh paoh in an um, thilri zong an fir hna, tiah a langhter chap.
Chun-zaan in Mindat khuachung ah SAC ralhrang nih meithal an duh paoh in an puah caah khuachung ah aa hrengmi pawl lengchuak ngam loin le ttihphang in an um hna. Credit: The Chin Journal
RELCHAP: Media pawl sinah Nawlnak CDF chung tal le hawikom vialte le mipi hna ralkap uknak hi a hram pi in an ci kan hmih hna lai caah a lamkipin kan i tel cio hna.
Mah kan tei khawhnak dingah CDF(Chinland Defence Force) nifatin kan cawlcanghnak tete zong media leiin na kan thlah piak caah lunglawmhnak tampi kan ngei fawn. Mah bantuk ibawmhchanhnak ah mipi le phu dang tete rian ngei mi hna sin in a hman ko tiah an ti lo mi cu thawng na kan zamh piak lai lo, a hman mi lawng na kan zamh piak nak lai kan in nawl hna. Credit: Chinland Defence Force(official Account)
ThawngDang Relttthan: Evan Tial Lian Thang Biachimmi Nih Laimi Thinlung Adaihter Kho Ti Lo Kan theih cio ko lai dah, nai hrawng cu Evan Tial Lian Thang biachimmi nih Laimi thinlung a linhter ngaingai i, a kenkipin heh tiah an mawhchiat i an soisel ngaingai Bia chiahchia he an tuk an velh. Khat lei kam cun Laimi kan mawh ve ruam lo zeicatiah hitluk ram buai lio le thinphan lio caan ah Ralkap sualnak pakhat hmanh ka hmu lo a van ti tikah khan cun zei khi hme a ruahnak si hnga timi biahalnak tampi a um lengluang.
Cu a biachimmi he pehtlaiin tuni caan tiang Laimi thinlung ah a caam rih i soisel tu tete a tong peng rih. Evan bochanmi pakhat an ve tikah hibantuk caan lio ahcun heh tiah mipi thazaang pe tu ding khi an si nain a lingtalet in bia a chim tikah Laimi thinlungah a caam i a dai kho ruam rih lo.
Tutan zong Salai Bawi Siakhel timi facebook Acc hmangin, tihin ca a rak thlah tthan a ttial mi cu “Rian tuan huamlo Pathian min hmang in vah veih Ram kip ah ii chawh luklak ii paw i cawm.. Ning zah nak pelte zong ngei loin.. A paw a cawmtu mipi lila a that cuah mah mi kawl Ralkap an sual nk ka hmu lo a ti ngam tu, Rum rolo Mi hrok hrol Mitha le tangdor nun ngei bik bantuk mi cawn piak hmang laisen ngei lo hlen khawh mi poh Pathian bia in hlen ii paw aa cawm mi lih chim pa bantuk si nak cun si fah bu te nun hi a sunglawi deuh.” tiah a ti.
Hi lawng silo kan Lai hlasakthiam Sui Lian zong nih faak lakin a phomh ve a tining a faak ngaingai khi a si. A facebook ahcun tihin arak ttial ve “Tial Lian Thang timi pa kha ka paam lai lo nain kan umnak a phanh tik ni cu biakinn tthutdan cheeh a tong lai rak phaan ti hrim hlahseh. Voikhatnak le voihnihnak ka ngaih thiam cang! Bible nih voi sawm sarih le voi sarih ngaihthiam ding in an kan cawnpiak ko nain voikhatnak i tthutdan in ka rak cheeh beeh lomi kaa ngai chih!
PS! Ka biak mi ka Pathian ka ngaithiam, Mah na fapa te hi a ning hngal tuk bia nan kan chiah ta mi Bible khi a lung fiang kho rih lo i teek tal in rak chep law tu lio cun na fa le kan i lawm ngai lai.” ti’n a rak ttial ve.
