Related Articles
Mindat ralzaam caah hluutmi phaisa a va thoh tu cu Kalay ah an tleih. Midah ralzaam pawl caah phaisa hlut mi a rak chuah tu pakhat cu ni zaan ah phaisa Ting 170 hrawng he ralkap pawl nih a tthumh nak hmun Cutungpin sang inn ngei tu U Thang Mang Kio cu tu ni zing 10 hrawng ah ralkap pawl nih an rak tlaih tiah tlaih a tongmi hna chungkhar sin in bia kan theih.
Ralkap nih ukmi ti’n thanh a tongmi Mindat khua cu minung a thong leng nih khua chungah um ngam lo in ram tangah zaam in an um ruangah ei le din ding le ngandamnak lei in bawmh an herh tiah theih asi. Credit: Chin World
Adang Reltthan: CNA/F CAAH KHRIHFABU TANGKA KAN BAWMH MI HI KAN I PALH BAK KO MAW? A tawinak in kan leh lai. NO! palh hrimhrim hlah tiah ka RUAH.
1. CNA/F cu Party Ramkhel (State) ansi lo i, Dothleng Ramkhel (REVOLUTIONARY) ansi tihi kan i fiang a herh. Zalonnak, tlukrualnak, diknak caah dothlennak a tuahmi an si. Party politiic le Revolutionary movement kong hi mipi nih thledan kan thiam khawh a herh.
2. Dr. Rual Uk nih pumpak in cun CNA/F bawmh khawh asi nain Khrihfabu nih bawmh cu palh taktak asi tiah a ti. A ngaingai ahcun Pumpak (Zumtu) hi Khrihfabu cu kan rak si deuh (1Cor 12:27). Khrihfabu (Church) le pumpak zumtu (Believers) hi thleidan awk a tha lo mi asi. Pumpak (Zumtu) nih CNA bawmh khawh asi ko ahcun Khrihfabu (Church) zong nih bawmh khawh lo nak a um hlei lo. Khrihfabu nih Dothlennak ramkhel kongah tangka bawmh khawh asi lo ahcun Pumpak (Zumtu Khrihfa) zong nih bawmh khawh ding asi hlei lo. Seperation of Chruch and State nih Dothlennak (Revolutionary movement) khi a sawh duh mi asi lo.
3. Khrihfabu kan riantuan mi cu hmuh khawh mi ram caah siloin hmuh khawh lo mi Thlarau ram asi tiah ati. A hman. A ngainngai ahcun, hmuh khawh lo mi Khrih Pum (The body of Christ) kha hmuh khawhmi KHRIHFABU (CHURCH) in aa langh mi asi (Eph 1:23). Hmuh khawh lo mi Pathian pennak kha hmuh khawhmi Thiltha tuahnak (Mi sifak bawmh, Rawl țammi rawl pek, ralhrang nih a thahmi chungkhar bawnhchanh, miphun zalonnak le diknak caah a tuan mi Dothlengtu pawl bawmh chanh. .etc) in tlinter ding khi asi.
4. Religion and The Founding of Ametican Republic cauk chungah Khrihfabu le Dothlengnak kong tampi rel awk a um. American dothlengnak caah Khrihfabu nih chawva in an rak bawmh hna. Dothlengnak caah Khrihfabu nih chawva in kan bawmh mi hi Pathian hmai ah a dik mi le do tla asi ko tiah an rak fehter. Cun vawlei tuanbia dang French Revolution kan zoh tik zongah Khrihfabu nih dothlennak (Revolutionary movement) ah chawva in an bawmh hna kong tampi kan hmuh khawh. Bible cahlun chung kong cu kan chim ti lai lo.
5. CNA khi meithal put in lai a nawngmi phu ansi tiah ruat lo in Zalonnak, diknak le tlukrualnak tuahtu le Thiltha tuah tu PHU pakhat an si tiah zoh piak thiam ahcun Khrihfabu nih CNA bawmh khawh lo nak a um lo.
A cunglei hi keimah pumpak ruahnak asi. A palh BAK, a PALH BAK LO tiah ka chim lo. BAK biafang hman ka duh lo. Khrihfabu nih CNA hi bawmh khawh asi ko. A palh lo tiah ka RUAH. Credit: Israel R. Thang (FB)
