Related Articles
Hakha CDF le SAC Ralkap ikahdohnak CDF Hakha le ralkap kar lakah a tanglei kan rak langhter mi hmun hma ah hin an i kap i ralkap lei in minung 7 an thi i a tlawm bik minung 19 nih hma an ing, CDF Hakha leiin hliam tuar mi an um lo.
2021 March 18 zaan lei suimilam 4 le 5 kar kahdohnak, 1 Hakha – Than Tlang lam cung i gate ( Hakha University pawng) kahdohnak ah ralkap lei a tlawm bik minung 2 hliam an tuar. 2 Hakha Thar Lam 6 tonnak ah CDF le ralkap kahdohnak ah ralkap lei minung 4 an thi i a tlawm bik 9 tliam an tuar. 3 Hakha Kankaw lam kahdoh nak ah ralkap lei a tlawm bik minung 3 hliam an tuar.
2021 March 19 Zing suimilam 5 in 6 kar kahdohnak, 1 Ralkap lei minung 70 hrawng Hakha le Matupi lam kan tuah lio ah kan mah lei in a thli tein kah ruangah ralkap lei minung 3 an thi i a tlawm bik minung 5 nih hliam an tuar. 2 Ralkap lei nih CDF cycle 30 leng mei in an khanh piak hna. Ralkap lei pawl hi Kalay lei in minung an rak chap khawh zong asi. Credit: Chinland Defence Force
RELCHAP: Makeup Artist Model Hanna Yuri nih cun tubantuk dirhmun harsatnak a tongmi Mindat mipi bawmhnak ding hrangah Korea mipi hna sinah bawmhnak tangka aa khon peng mi kong cu a chim i Mindat mipi hna bawm kho dingin a ummi cungah amah zong lunglawmhnak in a khat.
Hanna Yuri nih cun “Social Media ahhin keimah tha a ka pe tu lakah hin Korea miphun zonghi an tam ngaingai. Cu hna sin ahcun zeibantuk in dah Kawlram hi kan bawmh khawh lai, zeibantuk thil pakhat khat hi dah tuah piak ve hna usih tiah ka sawm hna. Korea ram cu thlahlawh a ttha i an mah tangka in thlakhat ah 2.8 million te hna hi a tlangpi uak nih hmuh mi a si. Ting khat hnih tibantuk hi cu an nikhat lenchuahnak i ei le din ah an dih tawn mi zat khi a si. Cubantuk a si tikah Korea miphun hna sin ahcun Kawlram i harsatnak a tong mi hna cungah bawmh dingin sawmnak ka tuah lengmang hna.
Cu ti’n harsa ngai in ka hal hna hnuah a tu ahcun Mindat mipi harsatnak a tuar mi hna ka bawmh khawh cang hna lai i kei zong lunglawmhnak in ka khat. Tu ah rian ttuan kho lo le, harsa ngai in kan um cio hna nain, teinak kan hmuh tikah teima taktak in rian zong ka ttuan tthan lai. Hi nak in hlawhtling chinchin dingin kaa zuam lai tiah zumhnak zong ka ngei. Teinak kan hmuh hlan lo ttang ttualmal rih ko hna usih.” tiah a ti.
Makeup Artist Model Hanna Yuri hi social media ah 1.3 million bak nih an follow mi pakhat a si ve i amah le tikhawh tawkin Kawlram buainak cu social media ah a aupi lengmangtu a si. Credit: Vapualauaw
