Related Articles
Kawlram mipi nih ralhrang ah kan chiahmi hna SAC ralhrang hruainak tangah Pu No Than Kap cu meeting a kai tiah thawngpang he pehpar in soiseltu le Dalaan pakhat bantuk zoh/hmu tu zong an tampi tikah amah nunnak hrang tiang caah ttihphannak a um ti’n Chinmi lakah thawngpang tampi a leng mi a um.
Pu No Than Kap cu CNLD chungtel pakhat a si ve tikah UEC meeting zongah tello dingin party lei nih cachuahnak zong zeihmanhah relpiak loin meeting nak i a vai i tel tthiamtthiam mi le mipi caah ralhrang SAC ralhrang hruainak meeting i a vai i telmi nih hin Chinmi mipi lung a tong lo ngaingai.
SAC Ralhrang tawlrelnak tang i tuahmi UEC meeting a kai mi kongah “thawng kan theih ning ahcun tuchun i tuahmi UEC meeting ah Pu No Than Kap cu aa tel ve. Meeting ah tello dingin thawngthanhnak zong kan tuah. Ca zong kan kuat nain zei ruangah dah meeting ahcun a va kai tthiamtthiam ti mi kan thei lo i kan mah lei zongin hlathlainak kan ngei ve cuahmah” tiah May 21 UEC meeting i aa tel mi kongah thawngpang a leen bakin CNLD Chairman Pu Ngai Sak nih cun a chim colh ve.
Meeting a kai tiah thawngpang a len hnu in Online kip nih cu thawng cu darh chuah a si tikah amah Pu No Than Kap nih cun CNLD aiawh in a kai lo nak kong le March thla dih lei hrawngah CNLD party in chuahnaknawl a hal cang hna timi kong cu a tarlangh.
Cu zong cu awka lawng si loin March 31 ni khenhmi CNLD official catlap he cun a tarlangh i party chungin chuahnaknawl ca ka thehluh ko nain remcaanlonak a um ruangah zunglei nih an hmuh rih lomi a si ti’n a peh. Meeting a kainak kong zongah “rianttuan hawi hna he Naypyidaw ka tlawn lio te a si caah ttuanpi hawi hna damdam ka tuah pah hna khi a si” a ti.
Pu No Than Kap nih cun cu ti fianternak a ngeih ko bu zongah rampi huap minthang BBC tiang nih meeting a kainak thawng cu a vun phozar tikah SAC ralhrang dohkalhmi mipi tam tuk lung a tong lo i a nunnak hrang tiang caah ttihphannak a um tiah Chinmi chung cun thawngpang a leng ngaingai cang.
A Dang Reltthan: Covid-19 zawtnak in ZMC-ZRH ah zohkhenh lio mi Pi Tawk Tial, kum 63 Aizawl, Electric veng ah khua a sa lio mi cu Nihin May 22 zanlei suimilam 3 hrong ah khan COVID Pneumonia ruangah mual a kan liam tak. Tuzan lei ah YMA hall ah vui a si lai.
Pi Tawltial hi May 11 ah khan hri a kai tih theih a si hnuah BSUP ah chiah a si hnuah May 18 ah khan ZMC ah thial a si. Amah hi Ashhma le lung zawtnak a ngei cia mi a si. Kan hnu February thla ralhrangbu nih rampi uknak an lak hnu ah Tahan in Mizoram ah a rak ra mi a si tiah theih a si.
Kan hnu May 17 ah khan kan ram buai ruangah Mizoram ah a rak zam mi Pi Mang Dim, Thantlang peng Tlangkhua cu Covid ruangah mual a kan liam tak cang. Nihin tiang Mizoram chung Covid zawt nak a ngei mi zat cu 10024 an si. A thi mi 31 an si cang tiah theih a si. Credit: The Chin Post
