Related Articles
Pu Tler Ling le Pu Khamh Bawi Ruak Chungkhar Sin ah Pek ding in Hakha Mipi nih Hal
May 11 ah Hakha SAC ralkap nih an nunnak a liam tiah an chimmi Pu Tler Ling le Pu Khamh Bawi ruak chungkhar sin ah a rianrannak in ap ding in Hakha mipi nih halnak cathanh an chuah.
Kalay lei kan kalpi hna tiah SAC ralkap nih an chimmi hi lih in an ttawn chommi a si timi fiang tein kan theih, tiah cathanh ah an langhter chih. Chin miphun cu mahle chuahkehnak ah ruak aa vuimi kan si bantuk in Pu Tler Ling le Pu Khanh Bawi ruak hi chungkhar sin ah a phak hlanlo kan i zuam lai, tiah an ttial.
Cun, Pu Tler Ling le Pu Khamh Bawi thih kong ah SAC ralkap/palik lei nih Chin phungphai ning in chungkhar sin ah nawlnak tuah ding zong in cathanh ah an langhter chih. Credit: The Chin Journal
RELCHAP: Pathian Umpinak Thawngin Mindat-CDF Nih Teinak An Hmuh Rih Chin ramkulh Mindat khuapi pawngkap ah ralkap le mipi kilvengtu CDF ikahdonak a faak ngaingai i boruak alinsa taktak khi si. Ralkap nih May 13 zaan ah Mindat peng ahcun Martial Law cu an thanhchuah i ralthuam phunphun in doh an timh hna. May 14 zingah Mindat peng lei nih cun Mindat peng cu ralkap nih nawlngeihnak an ngei kho lo tiah cathanh a chuah colh ve. Cu hnuah Mindat mipi kilvengtu leiin Mindat khuapi lei panhmi ralkap mawtaw 6 an khangh tiah an chim.
Mindat mipi kilvengtu chungtel pakhat nih cun “Tuzing suimilam 10 hrawngah Mindat khuapi panh in a kalmi ralkap mawtaw 6 cu lampi ah kan kah i kan khangh dih, hriamnam zeimawzat zong kan laak i ralkap lei in a thimi zong an tam ngai, ralkap tthenkhat hna cu heh tiah burbuk lakin an zaam.” tiah KTM le CYN nih an chim.
Mindat mipi kilvengtu le ralkap cu May 12 zaan in idoh hram an thok i ralkap leiin tamtuk an thih an zumh bangin Mindat mipi kilvengtu lei zongin pakhat a thi ve. An idohnak aruang bik cu ralkap nih tlaihmi pawl kan thlah hna lai tiah remnak an tuahmi cu an thlah tthan hna lo caah a si. Credit: Vapualauaw
