Related Articles
Zahan Mindat khuapi ah Ralkap nih cun Martial Law cu an chuah. Martial Law timi hi mipi caah ttihnung ngaimi phunglam pakhat a si cucu Ralkap duhlo ning i aummi paoh cu tlaihkhawhnak le hremkhawhnak nawl an ngei(a fawinak in), cu tikah Mindat mipi caah cun thinphan ngai mi thil pakhat a si ve.
Hmanhsehlaw tuzing caan ah Mindat nih cun cu phunglam(Martial Law) cu an duhlo nak cathanh an chuah cawlh ve cucu zei dah a si tiah cun Mindat mipi nih mah te iuknaknak nawl(Chin Act) cathanh kha an chuah cawlh ve a sullam cu Ralkap nih an chuahmi phunglam an cohlang lo tinak langhternak kha a si. Cu tikah kan theih dingmi cu Mindat kar le ralkap karlak ahhin buainak faak chinchin a chuak lai.
Nizaan zong dai loin Mindat-CDF le ralkap cu an i kap tiah thawng theih a si. Mipi leiin a thi mi pakhat um i aa hliammi hi minung 4 an si tiah tu tiang ahcun theih a si. Mindat mipi le ralkap dotu zong an himnak hnga biatak tein thlacam kan herh. Chawva zongin kan si khawh tawk cio in bawm hna usih. A tu kan tei khawh hna lo ahcun a har cang lai caah kan thi vaivek a dih dongh tiang lungrual tein teinak kan hmuh hlan lo cheih rih ko hna usih.
RELCHAP: Thuzar Wint Lwin Nih Lai(Chin) Thuam Bak He Miss Universe 2021 Cu A Thok Ko Cang Hih Tutan Miss Universe 2021 cu kum dang bantuk a si lo ai phundang ngai te. Zeicatiah kan theih cio bang kan Kawl rampi a buai cingling bak a si i cu lio ah Myanmar aiawhin a kal dingmi model Thuzar Wint Lwin ca zongah lungre a thei ngaingai. Thawngpang a len ning ahcun a kal kho lai lo tiah rak theih cio kha a si hmanhsehlaw tuzing caan ahcun a takin le ropui takin kan Lai thuam he bak a kal van hmuh tikah uar a um kho taktak.
Thuzar Wint Lwin hi nikum Miss Universe Myanmar 2020 tanah Hakha aiawhin a chuak mi a si i a pakhatnak dirhmun tiang zong a phan mi a si. Tutan Lai thil he a kalmi zong hi amah aa timh ning cu a si ruam loh ti hmuh khawh a si. Zei catiah National Costume ca i ai hruk dingmi thilri cu zei maw tlamtlin lonak a um caah hi Laithil zong hi Chin community han nih an rak tuaktan piak mi kha a si. Chin community vialte zong Chin miphun huap in kan hmai nan kan hngalter.
Amah Instagram zongah ti hin a rak langhter ” Thil pakhat a sunglawi in khuaruah har ngai mi pakhat cu Miss Universe Myanmar tanah Hakha(Capital of Chin State) aiawhin ka rak i zuam i tutan ah le Lai thil cu i hruk tthan in Miss Universe zuamnak bak ahcun a kal ding ka si tthan.
National Costume ca ihruk dingmi ah kan timhtuah mi cu a caan teah zei maw tluan lonak a um caah tlam a tling lo. Hmanhsehlaw Chin Community nih bawmhnak le buaipinak thawngin, Lai thuam cu kaa hruk kho i tluang tein National Costume langhternak zong ka ngei kho.
Hi ka a ummi Chin mipi cungah lawmhnak chim cawk lo ka ngei i Chin Taung Tan(Atlanta, Georgia) ah a ummi nan ka bawmhnak thawngin hibantuk zuamhnak ah ka dirkhawh tthan hi a si.” tiah amah Instagram bakah a rak langhter cu a si.
Cu ti a si caah, US i a ummi Chin Community bawmhnak thawng cun hi thil hi a cang mi a si caah Chin mipi hmai hngaltertu pakhat zong a si ve. A kal cuahmah lio ahcun “Pray for Myanmar” timi catlap te cu a thlir pah tikah khat lei kam cun ngeih a chia taktak. Hi thawng hin kan kawl rampi zong hi lungfim sehlaw model Thuzar Wint Lwin zong hi US Chin miphun hna nih biatak tein thaa rak pe uh rak ttanh uh tiah kan in sawm hna.
