Related Articles
Shan ah ni hnih chungah ralkap Diesel motor 7 an kah Shan i Kuatkhai ti mi khua ah motor lampi chungah ralkap hriam tlai motor raldoh nak i hman ding seh si pawl a phor mi motor pa 7 cu KIA nih nihnih chung ah an kham i an kah hna.
Ni zaan ah thil phorh nak motor 6 an kah i tu zing ah 1 an kah chap i a dih lak an kah mi hi 7 a si cang tiah KIA ralbawi Nawbu nih a chim. Kunkhai khua pawng um mi Nanpachi khua ah tu zing 7 in 8 tiang hrawng KIA le ralkap an i do tiah theih a si. Mansan khua Manwinlay le Hingtee khua ah ralkap nih hriam nam ngan in an kah hna tiah theih asi. Mansna khua i Mandiyan ti mi khua ah KIA le ralkap an i dohnak ah ralkap lei in minung thazaang tampi an i chap tiah theih a si. Credit: Kachinwaves
RELCHAP: A hnulei liangpawng ah meithal kuan nih a khenmi Mindat hngakchia nute tuzing ah Pakuko sii-inn an phanh pi. Mindat ah nizan May 17 ah mithat lainawng ralhrang rallokap nih khualak kahnak in innchung te ah a kilveng mi kum 10 hngakchia nute cu a hnulei liangpawng ah meithal kuan nih a khen.
Mindat sii-bawi hna nih ai an ronh ko nain a dirhmun a that deuh lo caah tuzing ah pumpak hmanmi mawtaw in Pakuko an panh pi hi a si. Chungkhar hna thil le ril,si ai man bawmh a duhmi nih Phone 09400300010 ah pehtlahi khawh a si. Credit: The Chin Post
Adang Relchap Rih: HALKHA-FALAM LAIHRITLAI CHUAK KHAT UNAU LAI MIPHUN KAN SI. I DAWT CAAN A ZAA CANG Halkha le Falam cu mising kan si lo ral kan si lo. Inn chungkhar pakhat ah Nu le Pa pakhat nih hrinmi fa unau kan si. Tiva pakhat tlang tlangkhat aa hrawm mi le sa ral a rak do ți mi unau kan si. Halkha Chin e Falam Chin e kan hei i ti, ningzak ngai kan si. Halkha cu miphun maw asi.
Falam cu teh miphun maw asi ve.., khua min ansi. Khua maw a biapi deuh miphun dah. Khua cu peem tak awk a tha nain miphun cu peem tak awk a tha lo. Kan kalnak le kan um nak paoh ah Laimi kan si ko lai. Laimi cu kal tak awk hrimhrim a tha lo. Khua min ahcun buai awk a tlak maw? Khua thinlung nih kan ram a hrawh cang hih. Chanthar minung nih kan remh a hau cang.
Kan muisam thleidan awk a tha lo, kan holh kan i thei viar. Zei ruang ah dah Halkha mi e, Falam mi kan i ti. Kei hna cu Halkha khua ah ka um bal lo i Halkha pa ka si kho lo. Laipa tu ka si. Falam khua i aum lo mi khi ziah Falam pa nan hei ti khawh ning asi. Khua min in kan i kawh kun ah. Ziah Falam pa, Yangon pa, Halkha pa, Kalaymyo pa kan i ti lawlaw ko lo. Falam mi Halkha mi a um lo, unau chuak khat LAIMI kan si dih.
I soi ti hlah usih, i do ti hlah usih. Kan i doh lio ah midang an diriam khi nan thei maw? Kan karlak ah khuatlang pengtlang nih kan kham ti hlah seh. Laimi asi ko mi kanmah le kanmah kan i seh mi ko hi ka thin a lin tuk. Laimi le Laimi hmanh aa rem kho lo mi nih maw ramkhel e, Chinland e, Federal e nan hei au ngam ve ko.
Chinram hi Laimi nih hruai ding kan si cuh. Kanmah kan i rem lo ahcun Chinram a dir kho lai lo. A biapi tuk mi miphun kan si. Tu hnu citcet miphun thleidan phun in commend nan tial rih ko ahcun nan khua min in. Cucu pa khakha pa tiah kan auh cang hna lai.
Unau rualrem tein khuasak ți hi Pathian duhning zong asi i Bible nih a kan fialmi zong asi. Laimi kan i rem ahcun menmen sawling kan si lai lo. Credit: Israel R. Thang (FB)
