Related Articles
KNU Le ANC/AA i Bawm In Rallokap Sakhan Pakhat An Lak
*****************************************************
Arankan Army-AA zong rallokap kahdohnak ah lenglang in an i tel ve cang. Mah hlanah cun AA hi rallokap he pehtlaihnak an ngei lengmang. Alaw Bum sakhan kahnak ah AA an i tel ve ko nain a thlithup deuh in a si.
Asinain AA nih rallokap he pehtlaihnak vialte kan chah cang tiah an thanh hnuin lenglang bak in rallokap kahdohnak ah an i tel ti an langhter. May 7, 11:30 am hrawngah KNU Brigade-5 hmunhma chung i rallokap sakhan pakhat cu KNU/KNLA he kan i bawm i kan lak cang tiah AA nih cathanh a phuah.
Sakhan cu hriamnam zeimawzat an lak hnuah mei in an khangh. Hi sakhan an lak ahhin rallokap hna cu sakhan dangah an zam dih.
Credit: The Chin Post
RELCHAP: Thantlang ah Ralkap Ralhrang le Khua upa an I tong timi Thawng fianternak.
=======================
Hi Kong he pehtlai in tonnak hmuh ah aa tel mi khua upa pakhat nih, “Nizan May 6 ah Thantlang khuanu khuapa cu minung 15 hrawng tonnak cu kan ngei taktak a hman ko.
Asinain nizan tonnak hi Khua upa ton lonak a sau tiah kan I ton mi a si. Ralkap Ralhrang minung Pakhat zong an I tel lo pin ah Ralkap Ralhrang sin ah riantuan mi CDM a tuah lo mi zong an I tel lo. Biachahnak zong zeihmanh kan tuah lo. Ralkap he pehtlaihnak ding zeihmanh ceihhmai mi a um lo,” tiah a chim.
Nawlnak : Thawngpang dik lo le thilsining kan theih fian lo mi Online le pumpak in midang sin ah chim lo I zuam hna usih. Midang ca ah thilrit purtu le Ralkap Ralhrang bawmtu na si sual lai.
Credit: The Chin Light
ThawngDang Reltthan: Pi Lalmuanpuii Nih Covid-19 Ruangah Ngaihchia Tuk In A Chung Le A Liam Tak Hna
Hringtu Nu nih a Fale Ngaihnak cu! Pi Lalmuanpuii kum 47, Ramhlun Venglai, Aizawl ah a ummi an si. Thin Cancer ruangah caan sau tuk Kala ram ah zohkhenh a si hnuah a dam deuh cang tiin tuzarh ah khan a Inn lei tlung dingin a rak i thawh.
A chung le khat, a fale hmuh a ngaih tuk i, Inn phanh lai zong aa ngaih tuk lio Lengpui Airport Covid test nak ah zawtnak hmuh a si caah phak lai a ngaih tuk mi a Inn chung zong lut kho ti lo in Covid-19 zohkhenhnak hmun- Zoram Medical College (ZMC) panh pi colh a si .
A chungle a ngai, hmuh a duh tuk caah a chungle cu lam kam tel in rak dirh hna selaw a ti caah Airport in ZMC lei an panhnak lam kam ah a chungle cu chihkhat te a hmuh hna. Cucu an i hmuh hnuhnung bik nak a rak si ai. Pi Lalmuanpuii cu tuzing May 7 zinglei suimilam 8 ah khan Covid- 19 ruangah a ngaih tuk mi a chung le khat, fale cu zungzal in a kal tak cang hna. Corona Virus zawtnak nih minung a kan then ning zoh ah ngaichia a si. I ralring cio hna u sih.
Credit: The Chin Post
Adonghnakah Pakhat In Reltthan: Ralkap van lawng lei kah an i palh ruangah ralkap hriam tlai minung 30 leng an thi ii 80 leng hma an pu
Mumoh khua lei ah ralpak he kah doh nak May 6 ah ralkal 100 leng ralkal hriam tlai an si ii van lawng lei ralkap nih kah an ii palh ruang ah Ralkap 30 leng an thi ii 200 leng nih hma an bu tiah ralkap bawi Nawbu nih a chim.
Mungin tlanglawng lei Taungni i Mitcina lei rak kai nak ralkap motor pawl zong bomb an i mih i minung tam pi hliam an tuar. Shweku zong ah ti lawng an kah sual i mah kaa zong cun minung tam tak an i khawng i a thi mi zong tam pi an um. Mumoh zong ah an mah le an mah van lawng in an i kap sual i 30 leng an thi 80 leng hma an pu tiah theih an si. Tu chun Mumoh peng lei Salawngkung le Alalbual lei zong ah ralkap hriam tlai pawl nih van lawng in fak ngai i doh nak a chuak tiah theih a si.
Credit: Kachinwaves
Note: Thawngpang a kenkip kan khawmhsuat tawn i Careltu zong nih a tam tuk ti’n vuivai lo tein rak kan rel piak ulaw, Laimi nih cun zei tluk in dah ca kan rel tam a herh timi kha biatak tein kan i tleih chih ahau ngaingai mi a si. Ca na kan rel piak mi cungah le Angei tu hna cung zongah lawmhnak tampi kan ngei. Share zong in rak kan bawm tthan rih.
