Related Articles
Tlangcung hriamtlai unau 3 tiah kan theih lengmang mi hna AA, TNLA le MNDDA nih cun Shan ramkulh Kutkai khuapi pawngkap Nan Phat khua i ralkap sakhan um mi an doh hnuah ralkap bawi pakhat telh in ralkap 11 an thah timi kong mipi sinah theihternak an tuah.
Tlangcung hriamtlai unau 3 AA, TNLA le MNDDA pawl nih nihin May 31, zinglei suimilam 1 am hrawngah Nan Phat khua pawngkap i ralkap sakhan cu an doh i ralkap bawi pakhat telhin ralkap 11 an kap that. cu ahcun ralthuam le thilri dangdang zong an laak piak hna i an laakmi pawl zong mipi nih hmu kho dingin an phozar dih.
Tlangcung hriamtlai unau 3 nih ralkap sakhan an doh ruangah ralkap nih cun Nan Phat khua chungah bomb an kah nain, a puak kho lo i khua chungin hliam tuar mi le a thi mi an um lo. Tlangcung hriamtlai unau 3 AA, TNLA le MNDDA pawl nih cun kan hnung zongah Lashio lam in ralkap sakhan cu an rak doh cang hna i ralkap 14 tiangte an rak thah khawh.
Ralkap A Thi Mi
Tutan zongah Nan Phat khua pawngkap i ralkap sakhan an doh hnuah ralkap 11 an thah khawh cu a si i ralkap 15 hrawng nih hliam an tuar tiah Shwe Pay thawnglatu nih cun a tarlangh. Tlangcung hriamtlai unau 3 AA, TNLA le MNDDA pawl nih cun an thawngthanhmi cu a dikmi a si tiah langhter in ralthuam le thilri an laak piak mi hna zong an phozar chih. Credit: Vapualauaw
A Dang Reltthan: Tuluk hrokhrawlnak Scientist Pahnih Nih An Phuan England rammi virus lei thiamsang Professor Angus Dalgleish le Dutch miphun virus thiamsang, Dr. Birger Sørensen nih Covid-19 rungrul cu tha tein kherhhlainak an tuah hnu ah an hmuhmi report cahmai 22 cu nizan ah an chuah i, Wuhan Institute of Virology in a thawkmi Covid-19 zawtnak virus cu amah te kokek in a chuakmi si loin Tuluk sceintist hna nih an serchuahmi a si tiah an fehter.
Tuluk cozah nih palaak in a chuakmi a si tiah vawleipi theih in an thanhmi hi lih lawngte a si an ti. Wuhan Institute of Virology ah an serchuah i, virus an zuhter hnu ah Tuluk cozah scientist hna nih Covid-19 virus cu palaak in a chuakmi rungrul ah an serchuah than tiah an chim. President Donald Trump chan ah US sipuazi biatak tein an thangcho i Tuluk nih US a zuamcawh mi cu a ruahning tluk in phak khawh ding a si ti lo. President Donald Trump nih Tuluk cozah cu US he trade kongah biatak tein a rengh.
Kum 20 renglo Tuluk he trade an tuahmi US an sungh zungzal mi cu president Trump nih a cohlang kho ti lo. Cucaah Tax tam deuh a laak hna i, Tuluk he rade War a chuak. President Donald Trump nih a rengh khawh hna caah Tuluk cozah nih US lothlo hna thil chuakmi kum 2 chungah US dollar 200 billion man tluk cawk ding a si pin ah ngunkhuai zong tam deuh in pek a hauh caah Tuluk cozah an lungtling lo, mah ruangah Covid-19 hi an zuhter mi a si lai tiah mi tampi nih an zumh. Credit: Salai Lairamthang
