Related Articles
BrekingNews: Hakha ah Bomb a Puak Tu zaan sml. 9:00 hrawng ah Hakha ah bomb fak ngaiin a puak. Dawrhlun lei in bomb puah thawng a thanmi mi tampi nih an theih.
Asinain, Dawrhlun sang mi kan hal hna i, “Bomb puah thawng a thang ngai. Kan theih dih ko. Asinain, khoika zawn in a puah timi belte kan fiang lo,” tiah an chim. Credit: The Chin Journal
RELCHAP: Biakam Tlinh Lo Ruangah Mindat Mipi Le Rallokap Kap i Kah Dawh An Si Tthan Cang
Tlaihkhih a tong mi mipi hna cu thaizing ah thlah an si lo ahcun Mindat mipi le rallokap biaruah nak hnawh a si lai.
Ralhrang rallokap hna nih an tlaih mi hna Mindat mipi pawl thlah than an si nak ding ah a ruang phun phun langhter in caan an sauh ter caah thaizing May 12 chun suimilam 12 hnu bik chia in tlaihkhih mi vial te thlah an si lo ah cun rallokap le mipi biaruah nak hnawh a si Lai tiah MDT news pakhat nih ni hin ah a langhter.
May 11 zing suimilam 10 ah rallokap lei nih biaruahnak kan ngaih dih hnu ah thawng kan in thanh than hna lai tiah bia an kamh hna na in ralhrang hna nih an biakam an tlinh lo. Cun mindat mipi hna Kyautthuh lei ah um kal lo ding in an nawl hna.
Zei ruang dah Kyautthuh lei ah um kal an sian lo ti ahcun nihin suimilam 12:57 ah tlanglei in a rak tum mi, Mindat mipi minung 4 hna cu ralhrang rallokap hna nih Kyautthuh vanlawng bual lam ah nam he tlerhkhonh in an tlaih hna, suimilam tlawm pal a rauh hnu ah kuat nak an hmuh than tiah theih a si. Credit: The Chin Post
Thawng Pakhat Reltthan: Tiphul Khuami Pafa Motor Pahnak in an Nunnak a Liam
———
Nihin zaanlei sml. 6:00 in 7:00 karlak ah Tiphul khuami Pu Peng Thang le a fapa Thawng Cung Lian (kum 11) cu Tiphul le Rinpi karlak ah motor nih a pah hna i an nunnak a liam, tiah thawng kan theih.
Motor pahnak in an nunnak a liammi Pu Peng Thang le a fapa ruak cu Rinpi in Hakha lei ah a rak rami khualtlawng pawl nih lampi ah an hmuh hna. Motor nih hin a zaamtak hna caah a pahtu ahote an si timi an thei rih hna lo. Credit: The Chin Journal
Note: Thawngpang a kenkip kan khawmhsuat tawn i Careltu zong nih a tam tuk ti’n vuivai lo tein rak kan rel piak ulaw, Laimi nih cun zei tluk in dah ca kan rel tam a herh timi kha biatak tein kan i tleih chih ahau ngaingai mi a si. Ca na kan rel piak mi cungah le Angei tu hna cung zongah lawmhnak tampi kan ngei. Share zong in rak kan bawm tthan rih.
