Related Articles
A tu kan rak langhter mi hi ralhrang uico nih zei hmanh sual nak ngei lo mipi an rak thah ning hna tampi lakin tlawmpal te kan rak ttial mi a si. Ruah tthan tikah ngeih a chia i thinlung a kekkuai cikcek.
(1) A nun bu bak in mei an khanh a ruang cu sang le veng a kilven ruang ah. (2) A lu meithel in an kah a ruang cu mizaw motor (Ambulance ) a phurh i a mongh ruang ah. (3) A lu bak ah tinh bu tein meithel in an kah, a pawngkam a khawng mi a bawmhchanh hna ruang ah. (4) Fa pathum nei cia mi bak neih tein a lu ah an kah a ruang cu ralkap nih an dawi i a tli mi hna a kuh hna i kap hna hlah uh tiah ngaihthiam a hal hna ruang ah.
(5) Hngakchia te pakhat a thin zawn bakah an kah a ruang cu amah in te tawh ahrenh ruang ah. (6) Cun pakhat cu a nu din ding ti a than ruang ah an kah. (7) A dang pakhat cu a pa ttaang cungah ka tih tuk tiah a ttah ruang ah an kah. (8) Cun kum 14 hngakchia te cu ram caah ttih a nung tuk ti a theih ruang ah si lai, meithel hma he a thil a nam len lio ah motor cungah an auh i an kal pi.
Zei tin an tuah ti zong kan thei lo a thih le a nun zong theih khawh si ti lo, Mah tein thil herh mi aa cawk ko mi zong an tuk an velh hna lam ah a mah in a kal ko mi zong an kah hna.
Note: Hi kong/thawng hi facebook a hmang mi tthenkhat nih kawlca in an timeline ah an rak thlah mi chungin lehmi a si caah a dik lo mi thawng/kong zong a si kho, hmanhsehlaw keimah cattialtu nih a hmaan ko lai ti ka ruah caah ka rak thlah mi a si, a dik lo sual si le hrawh(delete) khawh zong kan rak i zuam tthan lai.
RELCHAP: Covid-19 Ruangah India Rampi Cu A Muih Pinah Vawlei Cungah A Um Bal Lo Mi Dirhmun Tiang A Phan
India rampi nih suimilam 24 chungah Covid-19 zawtnak in a zawmi cazin a sangbik dirhmun ah an um i, suimilam 24 chungah hi zawtnak tho in a thimi tambik cazin zong an tlaih chih.
India rampi nih cathanh(report) a pek ning ahcun hi Covid-19 in a zaw mi hi cawn ni li i suimilam 24 chungah zawtnak thar an hmuh mi minung zat cu 412,262 an si i, vawlei cungah a um bal lo mi suimilam 24 chung i zawtnak thar an hmuh mi a si tiah CNN nih Indian Health Ministry thawngthanhnak chungin an rak langhter. Hi Covid zawtnak hrirai ai thawk ka in a tu ni tiangah zawtnak an hmuh mi zat cu 21,077,410 hi a si.
India rampi nih cawn ni li ah suimilam 24 chung i Covid ruang in a thi mi zat zong vawlei cungah a um bal lo mi dirhmun ah an hong um cucu nikhat chungah minung 3,980 an thih hi a si. Hi zong hi vawlei cungah a um bal lo mi India ram nih an ton mi a si pinah ni kua(9) chung peh in a thi mi zat hi minung 3000 cung peng an phan. Tu ni tiang a thi mi zat hi 230,168 an si cang.
India rampi cu tulio Covid second wave( a voihnihnak ) nih cun rampi a mui ter siling pi a si i mipi hna le cozah lei zong awlawkchawng in an um cuahmah lio hna a si, kan hnung ni 30 chungah zawtnak thar an hmuh mi hi 8.3 million bak te an si i April 22 in a tutiangah zawtnak thar hi ni fatin te 300,000 peng an i chap.
Source: CNN
Thawng Dang Reltthan: Tulio Kawlram sining le boruak cu theih dih cio a si ko i, zeitluk in dah mipi nih Ralkap uknak an laak mi cu a kenkip in CDM ichirhchanh in doh cio a si.
Tutan zong siseh kan theih cio bang, Ralkap nih cun Sianginn on/thawk tthan dingin thawngthanhnak a tuah cu a tuah mi zong a kenkip in kan rak doh cio hna i a si khawh chungin kan fa le kan nau le zong Ralkap uk nak tangah ca cawng lo dingin rak chimh cio a si.
A tu bantuk in Khoi kaa University dah siangngakchia ca cawng lo mi tambik nak a si ti’n University tlawmpal chungin kan rak langhter. Cu hna cu :- Thawai University ah final year kai lio mi siahngakchia 1000 a um mi chungin minung 18 lawng an kai. A Dot ah Yatanapung University ah 1700 leng an um i minung 19 lawng an kai. Cun Monywa University ah 1000 leng an um i 14 lawng an kai. Hi siangngakchia hi hlathlainak an tuah tikah Ralkap bawi fa le lawng te an si tiah theih a si. A donghnak bik cu Hakha University a si i a hohmanh a kai mi siangngakchia an um lo.
Note: Thawngpang a kenkip kan khawmhsuat tawn i Careltu zong nih a tam tuk ti’n vuivai lo tein rak kan rel piak ulaw, Laimi nih cun zei tluk in dah ca kan rel tam a herh timi kha biatak tein kan i tleih chih ahau ngaingai mi a si. Ca na kan rel piak mi cungah le Angei tu hna cung zongah lawmhnak tampi kan ngei. Share zong in rak kan bawm tthan rih.
