Related Articles
UNHRC nih Israel colcangnak cu War Crime a si le Hlathlainak a tuah lai Nizan May 27 ah khan UN Human Rights Council nih Israel le Gaza (Hamas) pawl ni 11 chung an in dohnak ah Israel nih Minung Covo a buar le buar lo, War Crime a tuah le tuah lo kong hlathlai dingin kuthlerin biakhiahnak tuah in a pawm.
Mah kutthler biakhiahnak hi ram 24 nih an thlawp. Ram 14 cu an tel duh lo, ram pa 9 nih an thlawp lo. A tel duh lo mi ram ah Israel hawitha India zong a tel ve, biakhiahnak tuah lai ah meting in a chuak. India UN Palai nih “zei poh hi politik a si caah India nih Israel cungah hawitha kan si nak kan langhter khawhnak pakhat a si” tiah a chimh.
Israel nih UNHCR biakhiah nak cu “Hamas pawl thil sual tuah mi thup piak nak a si” tiah a duh lo ning a chimh. Credit: The Chin Post
A Dang Reltthan: SSPP/SSA Hruaitu hna he i ton dingah an hruaimi pakhat lampi ah an thah Shan ram chaklei Kyaukme, Nawngcho peng chung rithaisi dohnak lei ah a cawlcang ngaimi pakhat cu SSPP/SSA hruaitu pawl he ton dingah hruai a si hnuah an thah tiah theih a si.
May 28 zing suimilam 7 hrawngah Shan State Progressive Party- SSPP/SSA ralkap 50 hrawng nih Nawngcho, Nawnglung khua mi Lung Pa Sein kum 50 hrawng cu SSPP/SSA hruaitu hna he i ton dingah tiin an hruai mi a si. Hi kong he pehtlai in khuami pakhat nih “Lungpasein cu RCSS/SSA he fonh in SSPP nan kahdoh tiin hruaitu hna sinah thil sining na chim a hau tiah an hruai mi a si.
RCSS le SSPP hi an i rem lo caah an puhnak cu fianter a hau tiah a ruah caah a zulh ve hna. An i ton le ton lo cu ka hngalh lo, khuami nih lamkam ah thi cia in kan hmuh. Meithal kuan nih a lu ah a khen mi a si” tiah a chim. Lung Pa Sein hi mitha, khuami caah a thahnem ngai mi a si, rithaisi dohnak kong ah a cawlcang ngai mi a si.
Kan hnu 2021 January thla zongah Tibaw peng Kungta khuabawi Lung She Han cu SSPP/SSA nih an hruai i ramlak ah an rak thah bal tiah theih a si. Credit: The Chin Post
