Related Articles
Vuachawng Khua Pawngah Rallokap Le KIA An I Kap
Kachin ramkulh Vuanmaw peng Vuachawng khua pawngah rallokap le KIA cu tu zaanlei suimilam 5 hrawngah i kahnak a chuak tiah theih a si.
Vuachawng pawng meng 13 gate ah April 17 ah KIA nih an kah bel cang hna bantuk in tuzing ka zongah Vuachawng pawngah mawtaw pakhat zong kah a si.
Credit: The Chin Post
RELCHAP: Mizoram cu hmaizarh thawk in Total Lockdown a si lai
Covid zawtnak lak in kan i veng khawh deuh nak ding caah tiin Mizoram chung Total Lockdown Order cu zahan ah Cozah nih a chuah. Kan umnak khua cio chuahtak khap a si.
Um nak khua hi chuah khap a si nain, zei poipang ahcun Task Force pawl theihpinak in kal khawh a si. Tiva kal, Picnic le Lentecelh tibantuk belte khap a si. Mizoram ah a lut ding mi hna cu cozah nih a honmi kutka lawngin luh a si lai, Pass ah min cazin pek ta ding a si lai i, Rapid Antigen Test ngei ding a si.
State dangin thilri a rak phorh mi hna cu khua luh hlan ah chuankhin le ei a si lai i, kir colh ding a si lai. Cacawnnak le biaknak lei pumh nak vialte khar a si, thitumhnak le mithi vui nak ah minung 30 leng pumh khawh a si lo. Zapi umnak Lakphak dawr, lentecelh nak tibantuk hmun vialte khar a si. Aizawl Municipal Area le district hmunpi ah a um mi hna cu an inn/pawngkam chuah khap a si i, thil herh tuk ah chuah duh a si ahcun task force pawl sinah nawl hal ding a si.
Covid-19 zawtnak i ven dingah Mizoram lockdown May ni 3 in kalpi lio mi hi May ni 10 zinglei suimilam 4 tiang a si i “lockdown” ti a si i mah dih in May ni 17 tiang “Total Lockdown” hi peh colh.
Credit: The Chin Post
ThawngDang Reltthan: Hakhathar ah SAC Ralkap nih Minung 6 an Tlaih hna, Tangka 250,000 MMK an i Kalpi Than
——–
Nihin zaanlei sml. 5:30 hrawng ah SAC ralkap nih Hakhathar ah minung 6 an tlaih hna i, inn pakhat ah tangka 250,000 zong an lak, tiah thawng kan theih. Tlaih a tongmi hna cu: (1) Pu Ca Kung (2) Pi Ram Iang (3) Pu Bawi Hram (4) Pu Ram Ceu (5) Nu Ni Tin Thluai (6) Pa Thang Thang hna an si.
Hakhathar Baptist Church zong SAC ralkap pawl nih an luh hnawh. Thilri an hrawhmi le an lakmi a um le um lo theih a si lo. Minung 6 an tlaih hna lio ah inn pakhat ah tangka ting 250,000 zong an lak, tiah Hakhathar khuami pakhat nih a chim. Nizan zong ah Hakhathar ah minung 12 an tlaih hna i minung 10 an thlah tthan hna.
Nizan mi an tlaih lio ah Hniarlawnthar ah Pu Ngun Hup te inn SAC ralkap nih an bauh i tangka ting 10 le a dangdang thilri tampi zong an lakpiak hna.
Credit: The Chin Journal
Thawng Pakhat Reltthan: NGO (Non-Government Organisation) 200 Leng Nih Myanmar Ralkap Hrem Dingin UN AN Nawl
Amnesty International le NGO(Non-government Organisation) 200 leng nih Myanmar ram i Ralhrang nih zohchia ngai in an cawlcangh mi cungah le daih itim lo in nikhat hnu nikhat an zual chin lengmang caah Myanmar Ralkap nih hriamnam zei hmanh an laak luh khawh lo nak dingah United Nations sinah nawlnak an tuah.
” UN Security Council nih hin nawlngeihnak hmangin, Myanmar ralkap nih Civil mi an thah lengmang hna caah biatak tein an daihkhawhnak dingah rianttuan caan a cu cang,” ti’n Amnesty International i UN advocate Lawrence Moss nih cun a chim. Moss nih cun ramdang dang hna nih aw kaa lawng i Myanmar ralkap heh tiah mawhchiat lawng cun zei hmanh santlaihnak a ngei lo, ti’n a peh tthan.
Myanmar ralkap hremnak nak dingah hin ramdang dang hna nih meithal kuan pakhat zong cawk ter lo hna dingin an duhnak zong an langhter ” Ralthuam le hriamnam an laakluh khawh lo nak dingah le thisen a chuahti nak hnga lo dingah Security Council nih hin biatak tein a ramkip ah rian a ttuan i a leh hna a hau cang.” an ti.
February nikhat i ralkap nih uknak an laak hnu, duhlonak langhter in civil mipi hna minung 770 leng cu Ralkap kut in an thi cang i, minung 4,500 lengluang hi tlaihkhih an si. Hi lio caan zong i Myanmar ralkap nih cun mipi hna cu buainak a siamtu an si tiin a thi zat hmanh tthittha in an langhter duh lo.
Ralkap nih nawlngeihnak an laak hnu, February 24 khan NGO 100 leng nih UNSC sinah Kawlram ralkap ralthuam le hriamnam kuat tawn mi cu ngol ter dingin an rak nawl cang hna hi a si. Security Council zong nih hin Myanmar ram kongah hin cathanh cu a rak chuah cang ve, ralkap hna cu Democracy phunglam zulh ding tibantuk le hramhram in le tharum in mipi lehrulh hna lo ding ti mi kha si i, hmanhsehlaw cu cathanh nih cun zeihmanh an hna ah alut loh ti cu hmuh cio a si.
NGO hna nih cun cathanh chuah lawng bak cun a caan a si ti loh tiin, UNSC nih hin lamdang kawl in a tak in a cawlcangh a hau cang, tiah an ti.
Credit: Vanglaini
Note: Thawngpang a kenkip kan khawmhsuat tawn i Careltu zong nih a tam tuk ti’n vuivai lo tein rak kan rel piak ulaw, Laimi nih cun zei tluk in dah ca kan rel tam a herh timi kha biatak tein kan i tleih chih ahau ngaingai mi a si. Ca na kan rel piak mi cungah le Angei tu hna cung zongah lawmhnak tampi kan ngei. Share zong in rak kan bawm tthan rih.
