Related Articles
Hringtu Nu nih a Fale Ngaihnak cu!
Pi Lalmuanpuii kum 47, Ramhlun Venglai, Aizawl ah a ummi an si. Thin Cancer ruangah caan sau tuk Kala ram ah zohkhenh a si hnuah a dam deuh cang tiin tuzarh ah khan a Inn lei tlung dingin a rak i thawh.
A chung le khat, a fale hmuh a ngaih tuk i, Inn phanh lai zong aa ngaih tuk lio Lengpui Airport Covid test nak ah zawtnak hmuh a si caah phak lai a ngaih tuk mi a Inn chung zong lut kho ti lo in Covid-19 zohkhenhnak hmun- Zoram Medical College (ZMC) panh pi colh a si .
A chungle a ngai, hmuh a duh tuk caah a chungle cu lam kam tel in rak dirh hna selaw a ti caah Airport in ZMC lei an panhnak lam kam ah a chungle cu chihkhat te a hmuh hna. Cucu an i hmuh hnuhnung bik nak a rak si ai. Pi Lalmuanpuii cu tuzing May 7 zinglei suimilam 8 ah khan Covid- 19 ruangah a ngaih tuk mi a chung le khat, fale cu zungzal in a kal tak cang hna.
Corona Virus zawtnak nih minung a kan then ning zoh ah ngaichia a si. I ralring cio hna u sih.
Credit: The Chin Post
RELCHAP: Ralkap van lawng lei kah an i palh ruangah ralkap hriam tlai minung 30 leng an thi ii 80 leng hma an pu
Mumoh khua lei ah ralpak he kah doh nak May 6 ah ralkal 100 leng ralkal hriam tlai an si ii van lawng lei ralkap nih kah an ii palh ruang ah Ralkap 30 leng an thi ii 200 leng nih hma an bu tiah ralkap bawi Nawbu nih a chim.
Mungin tlanglawng lei Taungni i Mitcina lei rak kai nak ralkap motor pawl zong bomb an i mih i minung tam pi hliam an tuar. Shweku zong ah ti lawng an kah sual i mah kaa zong cun minung tam tak an i khawng i a thi mi zong tam pi an um. Mumoh zong ah an mah le an mah van lawng in an i kap sual i 30 leng an thi 80 leng hma an pu tiah theih an si. Tu chun Mumoh peng lei Salawngkung le Alalbual lei zong ah ralkap hriam tlai pawl nih van lawng in fak ngai i doh nak a chuak tiah theih a si.
Credit: Kachinwaves
ThawngDang Reltthan: Uico Ralkap Nih Mipi An Rak Thah Ning Hna Kha Ruah Tthan Tikah I Suum A Har
A tu kan rak langhter mi hi ralhrang uico nih zei hmanh sual nak ngei lo mipi an rak thah ning hna tampi lakin tlawmpal te kan rak ttial mi a si. Ruah tthan tikah ngeih a chia i thinlung a kekkuai cikcek.
(1) A nun bu bak in mei an khanh a ruang cu sang le veng a kilven ruang ah. (2) A lu meithel in an kah a ruang cu mizaw motor (Ambulance ) a phurh i a mongh ruang ah. (3) A lu bak ah tinh bu tein meithel in an kah, a pawngkam a khawng mi a bawmhchanh hna ruang ah. (4) Fa pathum nei cia mi bak neih tein a lu ah an kah a ruang cu ralkap nih an dawi i a tli mi hna a kuh hna i kap hna hlah uh tiah ngaihthiam a hal hna ruang ah.
(5) Hngakchia te pakhat a thin zawn bakah an kah a ruang cu amah in te tawh ahrenh ruang ah. (6) Cun pakhat cu a nu din ding ti a than ruang ah an kah. (7) A dang pakhat cu a pa ttaang cungah ka tih tuk tiah a ttah ruang ah an kah. (8) Cun kum 14 hngakchia te cu ram caah ttih a nung tuk ti a theih ruang ah si lai, meithel hma he a thil a nam len lio ah motor cungah an auh i an kal pi.
Zei tin an tuah ti zong kan thei lo a thih le a nun zong theih khawh si ti lo, Mah tein thil herh mi aa cawk ko mi zong an tuk an velh hna lam ah a mah in a kal ko mi zong an kah hna.
Note: Hi kong/thawng hi facebook a hmang mi tthenkhat nih kawlca in an timeline ah an rak thlah mi chungin lehmi a si caah a dik lo mi thawng/kong zong a si kho, hmanhsehlaw keimah cattialtu nih a hmaan ko lai ti ka ruah caah ka rak thlah mi a si, a dik lo sual si le hrawh(delete) khawh zong kan rak i zuam tthan lai.
Donghnak Thawng Pakhat: Ayeyarwaddy tiva cung ah KIA nih ralkap tilawng an kah, 30 hrawng an thi
Kachin Ramkulh Bhamo Peng chung Alaw Bum kahdohnak bawmchan ding ah Shweku khua lei Ayeyarwaddy tiva cung tilawng in a kal mi ralkap hna cu KIA nih an kah hna i 30 hrawng an thi.
Credit: The Hakha Times
Note: Thawngpang a kenkip kan khawmhsuat tawn i Careltu zong nih a tam tuk ti’n vuivai lo tein rak kan rel piak ulaw, Laimi nih cun zei tluk in dah ca kan rel tam a herh timi kha biatak tein kan i tleih chih ahau ngaingai mi a si. Ca na kan rel piak mi cungah le Angei tu hna cung zongah lawmhnak tampi kan ngei. Share zong in rak kan bawm tthan rih.
