Related Articles
AA nih June 16 le 17 ni 2 chungin ralhrangbu bawi hna telin an tlaihmi minung 23 an thlah than hna tiah theih a si. Minung 6 hna cu June 16 ah Myauk-o peng Kyaukkyat khua ralhrangbu kut ah an pek hna. A dang 17 hna cu June 17 ni ah Butitaung peng Teitaungpyi khua Tatmah 22 tang LIB 210 tatyinhmu Lt.Col. Aung Zaw sin ah an pek.
An thlahmi chungah 2019 october thla 26 ah Sittwe in Butitaung lei a kal mi Shwenadi tilawng ah an tlaihmi 58 lakah 14 an i tel, nikum ah kan thlah mi hna he cun kan sin ah a ummi an um ti lo tiah AA chimnak nawlngei Khaing Tu Khat nih a chim. Atu bantuk an tlaihmi hna an thlahnak kong he pehtlaih in Khai Tu Kha nih “kaphnih kan i chawnh hnuah an rak don hna i kan thlah piak mi hna an si, kan i pehtlaihnak ah thanchonak pakhat zong a si” tiah a chim.
Rakhain ramah kahdaihnak hi a tu thla 7 a si cang. AA le ralhrangbu hruaitu cheukhat chawnhbiaknak an ngei pah lengmang tiah theih a si i, March 11 uknak latu ralhrangbu nih AA cu ralhrangbu si nak in a zuh piak hna.
Cu hnuah ralhrangbu nih AA hruaitu Bochok Tun Mya Naing naupa le a naunu le a naunu pasal hna telin ralhrang upadi he tlaihmi tampi a thlah piak hna hnuah AA lei zong nih atu bantukin an tlaihmi hna an thlah piak ve hi a si. Credit: The Chin Post
A Dang Reltthan: Covid-19 Sii Naa Chunh Dih Hnu Theihhngalh Herhmi Hna June 17, 2021| Hi zawtnak khamhnak sii cu a dangdang zawtnak hna aa tel lo caah nangmah kha COVID-19 zawtnak an chawnh khawh lai lo. Hi sii nih hin nangmah kha zawtnak an ngei ter lai lo. Mi cheukhat sin ahcun tak pum thahnak, thabaatnak asiloah nikhat ah suimilam pahnih asiloah nikhat chung tak pum fahnak hna kha a chuahter khawh.
Mi cheukhat cu COVID-19 zawtnak a ngeimi he neihnaim tein an umnak ruang ah i khamnak thazaang an ngeih hlanah zawtnak chawnh an si tawn. Cu hlei ah zeibantuk zawtnak khamhnak sii hmanh 100% thathnemhnak cu an ngei kho lo. COVID-19 zawtnak khamnak sii cu 95% tiang thathnemhnak an ngei tiah ruah an si, chimh duhmi cu micheukhat cu COVID-19 zawtnak an ngei thiam thiam rih ko.
PHILH LO DING: Nangmah nih zawtnak khamhnak sii naa chunh hnu zongah hmai khup i khup peng zungzalnak le kut kha a tu le tu in tawlnak hna nih le nangmah he umti asilomi hna he pe 6 hlat in um rih cu na herh rih ko lai. Cu nih cun nangmah le midang hna kha zawtnak i chawnhnak in a thabik in an khamh khawh hna lai. Mah le umnak sangven ah a zatawk in zawtnak khamnak sii chunh dih hnu ah hmai khup i khup a herh ti lo caan a phak ahcun kan mah lei in thawngthanghnak kan in tuah te hna lai.
COVID-19 zawtnak khamhnak sii chunh dih hnu ah zawtnak hmelchunhnak a um ahcun zeidah na tuah lai? Zawtnak khamhnak sii naa chunh hnu ah, sii khan ah minute 15-30 chung i dinh ta. Sii lei riantuantu hna nih umtu ning an in zoh hmasa lai. Tak pum thahnak, luak chuak asilole lungmit in na um ahcun, theihternak tuah hna.Sii naa chunh hnu ah ti tampi in dinpiak. Zu le kuak tibantuk pawl hrial i zuam. Sii naa chunh hnu ah, lu fah, kihnak, takpum fahnak, thatbatnak tibantuk pawl hna cu ni 1-2 chungah an dam than te ko lai.
Cunglei zawtnak hmelchunhnak hna an um sual ahcun, paracetamol dinpiak. Zarh khat nak in sau deuh a rau ahcun, sii bawi kha pehtlaihnak tuah hna. Thil zalawng tein um khawhmi i hruk hna. Riantuan na lung chuak lo bantuk na um ahcun inn ah um ko. Riantuan na lung chuak ko i zawtnak a um lo ahcun rian ah kal ding in a huhim ko.
Zawtnak cu suimilam 24 chungah a tha deuh lo ahcun COVID-19 chathlatnak na lakmi kha nangmah i a biapibik na ngandamnak lei zohkhenhtu hna he pehtlaihnak tuah hna. COVID-19 zawtnak chathlatnak tuah, cun ngandamnak lei zohkhenhtu hna nih zulh ding an chiahmi kha zulh hna. Credit: The Chinland Post
