Related Articles
Zahan 15 June 2021 ah Euro 2020 cu Hungary le Portugal cu group khat ah an um bantukin an voikhatnak game cu an thok ve, cu tikah Portugal nih 3:0 bakin teinak tiang zong an hmuh i Ronaldo nih goal hnih a luhkhawh ve cu caah a tu goal voi 3 a luhkhawh tthan a si ahcun vawlei cung ram ca chuihmi ah goal tam bik ngei zongah a dir kho cang.
Cun Euro Championship timi hi kum 4 ah voikhat lawng a um ve mi a si i FIFA World Cup bantuk bakin a hlunghlai mi a si ve. Portugal nih hin kan hnung 2016 ah khan France tei in a pakhatnak laksawng zong an rak tingco i tutan hi 2020 ah um tthan ding a si nain Covid-19 ruangah thawn a hung si mahbelte kum 2021 ah sihmanhsehlaw Euro 2020 tiah auh tthiam kha a si.
Tutan i kan rak langhter duhhnawh chan bik cu Hungary he an chuih dih press conference an tuahnak ah thil a cangmi hi a si. Zeicatiah Ronaldo hi taksa/pumsa a daw ngaimi akasatama pakhat a si tikah cu press conference an tuahnak i ahmaika ahcun coca cola an rak chiahmi hmun dangah a tthial nak kong he pehtlai in le cu Coca Cola man zong cu hnu thok cun a ttum colh ning kha a si.
“C. Ronaldo nih Press conference a tuah lio ah, Coca-Cala dur hnih cu a hmai in a thawn i, Ti aa lak deuh. Cucaah Coca-Cola Market pi cu $4billian (Au$5.2billion) a zor manh. Ronaldo hi cu a rak lar ve hrimhrim. Tlawmpal ah Ronaldo a fa le nih Chocolate an ei lo nak zong TV ah an rak langh ter colh.”
Cu caah Ronaldo hi thil a rak ti kho ngaingai pinah uar tu tamtuk a ngeihmi thawng hin hibantuk thil a can zong hi a si i, pumpululh tama nih cun i cawn awk thil bak a si a taksa a dawt caah kum sau pi tiang zong duai lo in a chuih khawh peng nak zong hi a si.
