Related Articles
Mindat khuanu khuapa hna tawlrelnak thawngin CDF-Mindat le ralhrangbu hna cu June 18 in chonhbiaknak ngei a si hnuah remhdaihnak tuah dingin ni 14 chung an in chon rih lai tiah theih a si.
Chonhbiaknak a tawlreltu Mindat khuanu khuapa pakhat nih; a tu kan dirhmun cu kap hnih in an ruahnak, an duhnak pawl va chimh piak khi a si. Mah belte cu mahtin an in chonh chungah kap hnih in kahdohnak tuah lo ding, i tuk lo ding, meithal tlaih lo ding pawl lawng a si rih. Mah hna cu an in chonhbiak chungah i zumhnak caah an ti mi a si. Can saupi caah cun ruah a har ngai rih.
Mindat mipi kan har ngai cang. ei-din a har, khua can nih a pe lo tikah a dam lo zawtfak mi zong an tam ngai cang. Mah vialte tuak buin remhdaihnak ngei dingin kan chonh hna mi a si. SAC lei nihcun mipi leiin meithal puah lo le colcangnak tuah lo dingin an kan ti. Kan in chonh lio pi a si ko. Mipi, kan inn le lo himnak caah zeidah an tuah rih lai. Kahdaihnak maw an tuah lai, remhdaihnak dah ti cu tuhnuah a fiang te lai tiah a chim.
CDF-Mindat le ralhrangbu hna i kahnak a chuak hnuah ralhrangbu nih May 13 ah Mindat cu Martial Law a thanh, khuachungah meithal ngan he an kah, vanlawng he bomb an thlak, mipi zong an tlaih, an hrem caah Mindat mipi dihlak tluk himnak kawlin ramtang ah an zam.
CDF-Mindat le ralhrangbu i kahnak ah kap hnih in a thi mi le hliamhma a pu mi an um bantukin mipi an zamnak ah kum 1 hmanh a tling rih lo mi hngakchia 2 telin mi 7 an thi cang tiah theih a si. Credit: The Chin Post
A Dang Reltthan: Samtok Thuthup timi pa hi a thei lo tampi ka um kho men, amah hi online chung in a aukhuang ve mi a si i Falam miphun a si. No Than Kap le hruaitu tthenkhat tete zong a doh ngaimi pa pakhat zong a si i, a facebook zong Samtok Thuthup ti’n a um lai i rak zoh khawh cio a si i Live video zong a thlah lengmang mi a si.
Tutan a live thlahmi zoh tikah No Than Kap le a hawile tthenkhat cu zeitluk in dah a dohhna le a huat hna timi a lang, No Than Kap lawng si loin Cherry Zahau timi zong a vun phomh len. A hlan i No Than Kap a rak ti ning le bang cu a fak ngaingai, na sining kan theih dih nungak no tete hotel naa riah pi mi hna zong ka theih dih ti’n faak ngai cun a rak tthuat bal.
Nihin live aa thlahmi zongah Chin Chin Pekthang Dalaan a si tiah a chimnak kong he pehtlaiin ka ngaithiam uh ka palh tiah a chim chih fawn. Samtok Thuthup nih cun Chin Chin Pekthang kongah ti hin a ti “Tunai Dalaan kongah video ka rak thlahmi kha nan hmu ti lai lo delete ka tuah cang, zeicatiah Chin Chin Pekthang kha Dalaan a si loh tiah a fiangmi thawng(evidence kan ti lai cu) a ka thanh/chim tu an um caah a si.
Zaangfah tein ngaihthiamnak zong ka rak in hal i keimah thiam lo mawh a si ko, cun zaangfahnak tein Dalaan he pehpar in thawng tibantuk a um zongah keimah cu rak ka thanh ter ti hlah ulaw zeicatiah kei ka dohmi hna cu nan theih bantuk in No Than Kap, Cherry Zahau le Levi te hna an si.” ti’n a chim.
Cun No Than Kap le a hawi le kongah ti hin a chim rih mi cu a si “Amah belte No Than Kap siseh Cherry Zahau siseh Pi Zinan ka soisel mi hna kha cu a sualnak pakhat hmanh a um lo i ka soisel mi hna cungah an kuttang rianttuanmi hna zong nih zeihmanh evidence an ka pe/chim kho loh.
Cun Cherry Zahau zong tutan Covid-19 bawmhnak na tuahmi cungah keimah pumpak hrimhrim in lawmhnak tampi ka ngei. Hmanhsehlaw ramkhel lei phun in na hman a si ahcun na bawmhnak vialte kha a lak a si lai. Covid-19 kha caan ttha ah i laak in kan ram le miphun caah ralhrang pakhat na si tinak a si lai.” tiah tam ngai a chimmi chungin tlawmpal te kan rak langhter khawhmi a si.
