CDM Tuahmi Chungkhar Hna Pahnih Nih An Thil Tawnmi Cu Ngaih A Chia Hringhran Ko

Related Articles

Fanu Mitthli: Na Temh Lai Ning Ka Ruah Hin Ka Celhlo, Na Zei An In Tuknak le Dennak Dah A Fak Bik, A Hnubik Na Mui Zoh Awk Te Hmanh Umlo Lakin Ma An In Hrem Ko

March 23, 2023

Lung A Faak Ko: Mizoram, Saiha Ah CDF Ka Si Tiin Chin Mi Minung (3) A Thah Hna

March 23, 2023

“Kai Thongh Lai Paoh Ah Nuva Siinak Hi Ka Sikhawh Chungin Tuah Kai Zuam” Tiah UFC Champion Hlun Ronda Nih A Chim

March 22, 2023

CDM Palek An Umnak Inn Mawtaw Ngan Nih A Pah, Bawhte Pakhat Telh In Minung 8 Hliam An Tong! Mizoram ramkulh, Phuncawng khua ah Myanmar CDM palek chungkhar an umnak inn pahnih cu June 3, zanlei 6:00 pm hrawngah khan mawtaw ngan (kungka) nih a pah i a cim dih tiah theih a si.

Hi inn pahnih ahhin chungkhar pali an um i cu chungah chungkhar pahnih cu Myanmar CDM palek an si. Inn cimh ruangah mining 8 hliam an tuar. Aizawl siizung ah an tlikpi colh hna. Pasarih cu siizung um an hau lo, pakhat tu cu a fah ngai caah siizung an thlop cuahmah.

Phuncawng khua hi Aizawl in meng 9 hrawng a hlatnak ah a ummi a si. Inn a pahtu mawtaw zong cu hawrkuang ah a tla.
Siizung ah an thlopmi cu CDM palik chungkhar an si. CDM palik hna an fa bawhte zong a lu a kuai. Inn pah a tongmi hna cu Phuncawn khua i sianginn ah hmunhma an serpiak chung hna tiah bawmhchanhnak ah aa telmi Lai Christian Fellowship hruaitu pakhat nih a chim. Credit: The Chin Post

A Dang Reltthan: Khah Hakha Campaign For Justice nih thawngthanhnak an tuah, hi thawngthanhnak hi abiapi ngaingai zeicatiah bomb deu he aa pehtlaimi thawng a si cu caah Hakha mipi nih ralrin khawh cio i zuam hna usih, ti hin an thawngthanh ning cu a si.

Hakha Campaign For Justice nih cun tihin an rak langhter “‘Thawngthanh’ Atanglei ca hi June 3, 2021 ah rallokap hna nih Hakha i inn pahnih hmai ah bomb deu he an chiah tak. An min ah “Nat Sone” an i ti. Hi bantuk ca pek cu rallokap i an ngian a si i, Ne Win chan in siseh, Than Shwe chan in siseh an rak hman tawnmi ningcang lak ah pakhat a si. Mipi nih dothlennak a tuahmi buu thazaang an pekning derter timh ah an rak tuah tawn.

Hakha mipi nih Mino hna thazaang pe ti hna hlah seh tiah an thanhmi ngian pakhat a si. An i timhmi cu kan lung aa rualmi ṭhencheu a si. Cucaah, mipi lei nih hi bantuk ca hi nan rak i ralring lai. Zumh lo bak ding a si lai. Hi dothlenak hi kan dihlak te ca ah kan tuahmi a si. Rallokap nih a ngian chuah hman sehlaw, kan i zumhnak a ṭhan dan cu mei bang in a hlio in i hlio chin ko seh.” ti’n an thanh ning cu a si. Credit: HCJ