Related Articles
Samtok Thuthup timi pa hi a thei lo tampi ka um kho men, amah hi online chung in a aukhuang ve mi a si i Falam miphun a si. No Than Kap le hruaitu tthenkhat tete zong a doh ngaimi pa pakhat zong a si i, a facebook zong Samtok Thuthup ti’n a um lai i rak zoh khawh cio a si.
Tutan Chin Chin Pekthang Dalaan a si tiah a chim mi kongah ngaihthiam halnak a rak tuahmi hi a si a chim mi cu ti hin a si “Tunai Dalaan kongah video ka rak thlahmi kha nan hmu ti lai lo delete ka tuah cang, zeicatiah Chin Chin Pekthang kha Dalaan a si loh tiah a fiangmi thawng(evidence kan ti lai cu) a ka thanh/chim tu an um caah a si.
Zaangfah tein ngaihthiamnak zong ka rak in hal i keimah thiam lo mawh a si ko, cun zaangfahnak tein Dalaan he pehpar in thawng tibantuk a um zongah keimah cu rak ka thanh ter ti hlah ulaw zeicatiah kei ka dohmi hna cu nan theih bantuk in No Than Kap, Cherry Zahau le Levi te hna an si i an sining ka theih caah keimah nih ka dohmi hna zong an si.
Cu caah Dalaan kong he pehtlai cun a hmun i um mi nih nan theih fian deuh lai caah kei hi cu rak ka fial ti duh hlah ulaw Chin Chin Pekthang Dalaan a si ka timi zong a dik lo mi a si i evidence ttha tein a ka chim tu zong an um. Keimah zong Dalaan hi a doh ngaimi ka si caah zeihmanh hlathlainak ngei ta loin a rianrannak in ka rak chim nak a si zeicahtiah Dalaan cu ttih an nung i an mah ruangah a thi mi zong kan tam cang.” ti’n tam ngai a chim mi chung in tlawmpal theihfian tawk kan rak laak.
