Related Articles
Chin Tleirawl That Tu Singapore Nu Cu Kum 30 Thong Thlak Asi Lai Singapore ah sinum riantuan mi Chin tleirawl nu a thattu kum 40 mi Gaiyathiri Murugayan cu kum 30 chung thongthlak dingin biachahnak an tuah piak tiah theih asi.
Kum 24 mi Chin nu Piang Ngaih Don cu 2016 July 26 zingah Singapore i a in tek nu Gaiyathiri le a nu nih kut an thlak i a ruhkhua le a thuak lei a rawh caah athi, ti hal rawltam in an chiah,tisa in an toih,a taksa cu a phunphun in an tukvelhnak in thla 14 chung a tuar.
Hi bantuk ruangah inntek nu Gaiyathiri cu kum 30 chung thongtla dingin biachah piak asi.A pasal zong palek asi nain an sinum tukvelh nam ah a tel ve CCTV kan hleng lo tiin Palek pawl a hlen hna ruangah sual phun 5 in sual phawt asi.Cun Gaiyathiri i a nu zong biaceih zungah a kong ceih lio asi tiah theih asi. Credit: The Chin Post
A Dang Reltthan: ZRA(Zomi Revolutionary Army) hi Zomi hriamtlai bu pakhat a si ve i 1997 ah dirhmi a rak si, an dirhnak a ruang bik hi tlangcung mi hna Manipur i um Kuki le Paite karlak buainak a rak linsa tuk caah a si. ZRA nih aa timh bikmi cu Zo miphun dihlak hmunkhat te i cawlcangh tti hi a si. Cun ZRA hi ZRO chungah a um mi a si i ZRO(Zomi Revolutionary Organization) hi April 1993 ah dirhmi a si.
Hi ZRA hriamtlai bu nihhin NUG nih ralkap ah a ngeihmi PDF-Tedim hmunhma khuarnak(camp) an kah hi voi khat/hnih lawng si ti lo. Mipi zong kan/an lau cio i zei ruangah dah si hnga tiah biahalnak tete zong a um pinah hi hna pahnih(PDF-Tedim le ZRA) hi cu unau miphun khat bantuk ah ruah cio mi an si fawn tikah khan mipi lungthin a buai ter ngaingai.
ZRA nih hibantukin thil an tuahmi kongah CDF(Chinland Defence Force) zong nih ca an rak chuah cang pinah buu dangdang nih mawhphurh rak pek cio a si. Spring Revolution i aa tel ve mi Zomi buu 5 hna zong nih an ningzahnak kong zong an rak langhter cang fawn.
Tutan zong Tedim mino tthenkhat nih cun ZRA cung i an lungfahnak an rak langhter i ZRA hi Dalaan an si ti tiangin catlang an taar. “Tidim peng Rultlang hram ah Tidim mino nih ZRA cungah an lungfahnak an langhter. ZRA cu “Dalan” tiah an au hnawh cang.” ti’n The Chin Post nih cun a langhter.
