Related Articles
China-ASEAN Ramleng Vuanci Pawl Tonnak, Myanmar Buainak Kong An Ceih June 7 ah China ram Chongqing khuapi ah China cozah upa le ASEAN ramleng vuanci hna tonnak an ngei i Myanmar buainak kong an ceih tiah theih a si. Tonnak ah cun Singapore ramleng vuanci Vivian Balakrishnan nih cun Myanmar ramkhel buainak tuahremhnak hi a nuar tuk i lungrawk a si tiah a chim tiin Singapore hrambunh Channel News Asia cherhchan in Reuter nih a tial.
Singapore ramleng vuanci bantukin ASEAN ramleng vuanci dang hna zong nih Myanmar ah a cang cuahmahmi kongah an lungthatlonak le tuahremh rian a nuarh tukmi an sivanghnak kong an chim ve tiah Reuter nih cun a tial. A hleice in April 24, Indonesia ram Jakarta khuapi i ASEAN meeting ah Myanmar buainak kong biakhiahmi 5 a tak in tuanchuahnak ah a nuar tuk hringhran tiah Singapore ramleng vuanci nih thawnglatu hna sinah a chim.
China-ASEAN ramleng vuanci hna tonnak ah ralhrang khawngsil ramleng vuanci U Wuna Maung Lwin a kai. Hi tonnak ah a bik in Myanmar buainak kong an ceih i zeibantukin dah an ceih? Zeibantuk biakhiahnak dah an tuah ti bel fiangin an thanh lo. Credit: The Chin Post
A Dang Reltthan: Kawlram ah minthang pakhat a si mi le pa sinak in nu ah aa thlengmi Transgender model May Thitsar Maung cu zahan June 7 ah Mawtaw accident nakin a nunnak a liam tiah theih a si.
Amah hi pa sinak in nu sinak ah aa thlengmi a si i, LGBTQ timi zong a dirpi taktak mi model pakhat a si i Kawlram mipi nih cun a thei lo kan um theng lai lo dah, a hmanthlak tthenkhat hna le bang cu zoh ngam lo tiangin an sexy kho taktak tawn. Cu caah Kawlram mipi nih cun sexy lei zongin a lar i kan theih khun nak a si.
Sunday Journal nih ti hin an rak langhter “Transgender Model May Thitsar Maung cu tuni June 7 zaan ah motor accident in a nunnak a liam tiah theih a si. A min thang ngaimi LGBT pakhat si mi mino te muicuang lei ah a minthang mi May Thit Maung cu tu zaan lei ah a nun nak a liam tiah theih asi.” ti’n an langhter ning cu a si.
