Related Articles
Nai hrawng cu Hakha khuapi ah ralhrang an van hrang ngai. Lam aa chok mi tete zong dir ter i thil check le biahal tete a tam ngaingai. Cu caah Hakha mipi hna biatak tein i ralring ngaingai kan/nan hau.
Nizaan te zongah bomb puahnak in kan nau le pathum hna zong an nunnak a liam, kan siang lo ngaingai hn, mino tete an si pinah ram a daw taktak mi mino zohchuntlak an si. Zei zong vialte hi uico ralhrang thil tuahmi ruangah a cang dihmi a si i a dih dongh tiang kan doh hrimhrim hna a herh.
Cu he pehtlai in nihin zaanlei hrawngah thawngpang Hakha chungah a lengmi a um cucu mikhual cazin (ဧည့်စာရင်) kan check lai timi thawng a si, cun nihin ah meithal puah thawng voikhat kan theih tiah an ti fawn. Cucaah Hakha mipi hna ralrin a herh, lau lo ding mahbelte lungfim bu tein kan um a herh ngaingai.
Hakha Campaign For Justice nih cun tihin an rak langhter “Attention! Tuzaan ဧည့်စာရင်း check a um lai ti thawng theih asi. Lau ding asi lo. Umtu thiam le ralring tein um khawh i zuam hna usih!” ti’n an rak langhter ning cu a si, lau bak lo ding.
The Hakha Post zong nih ti hin an rak tarlangh ve “Suimilaam 7:56PM Hakha thawngpang – Hakha khuachung sang cheukhat ah SAC mithat phu (ralkap) nih mikhual cazin chek an timh. – Atu hi Hakha, Pyidawthar sang, Bogyoke lampi kam Grace Hotel pawngkam ah mithat pawl an i chok. – Meithal zuun khat an puah tiah kan theih.” tin an rak langhter ning cu a si.
Relchap: Tirawl Le Sii Kan Dong Deng Cang: Suh Kyi June 7, tuni ah rampi ruahnak petu Daw Aung San Suh Kyi cu biaceizung ah chuahpi a si. Biaceihnak thok hlanah a sihni hna he suimilam pakhat chung biaruahnak caan an pek hna.
“Amah tangka te a hman ko, zei bawmhnak hmanh a um lo. Thlakhat hnu thlakhat in. Hi kong he pehtlai in zeitindah kan tuah lai a ti. A rannak in a lam kawl dingah a kan cah” tiah Suh Kyi a sihni U Khin Maung Zaw nih a chim. “Daw Aung San Suh Kyi le a sinah a ummi chungkhar hna eidin, tirawl ca tangka zong a tlawm tuk cang. Sii zong a dih dengcang. Zarhnih ah voikhat ralhrang khawngsil nih kan in damh piak ko lai an ti. Asinain Pi Suh nih a duh lo” tiah sihni Daw Min Min Soe nih a chim ve.
Suh Kyi sinah a chungkhar dang minung 8 le a uico duhnungte pakhat an um ve. Khoida ciah ah dah an chiah hna ti theih a si lo. Bawhte pakhat a um ve i Suh Kyi nih cun a sihni hna sinah cawhnuk phut (milk powder) zong a cah hna. Suh Kyi le a sinah a ummi hna cash tangka sing 50, zarh hnih ah voikhat tirawl chanh ding le a din tawnmi sii damh piak dingin ralhrang khawngsil le Suh Kyi sihni pawl cu khuakhannak an ngei lai.
Tuni biaceihnak ah Suh Kyi cu mithmai chiatnak le lungrawhnak pakhat te hmanh a ngei lo, a mithmai a panh, a thekvak a tha, a ngan a dam tinak a si tiah a sihni hna nih an chim. Tuhnu cun zarh hnih voikhat biaceihzung ah chuahpi lengmang a si lai i sual an puhnak, taza an cuainak vialte cu a hnubik Jun 28 ah biaceih dih dingin an timh. Asinain zeitik ni le zei caan ah ti bel a fiang lo. Credit: The Chin Post
