Related Articles
Nihin June 17, lawng bakah Kalaymyo in Covid-19 hrirai ruangah minung 10 an thi tiah Kalaymyo Covid-19 ivenhimnak phu sin in thawng theih a si.
Ttuanvo ngei pakhat nih cun “Zinglei deuh ahhin Covid-19 hrirai in minung 7 an rak thi cang i, zaanlei ahhin minung 3 an i chap tthan i nihin June 17 lawng bakah hin minung 10 an thi cang. Zaan lai zongah a thi mi an um tthan lai tiah chim khawh a si lo. Pituh sizung ah Covid-19 zawtnak in minung 4 an thi i inn ah khumh/chiah mi minung 6 zong Covid-19 zawtnak cun an thi ve. Tthenkhat hi Covid-19 zawtnak a ngei bak mi an si i tthenkhat hi zumh lo ruangah inn ah khumh mi zong an um.
“Tubantuk dirhmun i Covid-19 zawtnak ruangah a thi mi pawl hi kum upa, zawtnak dang pakhat khat a ngei mi, zunthlum, thisen sang le ngor tibantuk a ngei mi deuh an si hna. A tlangpi in an thihnak a ruang kan zoh/hlat tikah Oxygen chambau/daihlo ruang deuh ah a si. Tthenkhat zawtnak dang in zualhma ngai in a zaw cangmi hna caah cun zei tluk oxygen pek zongah rian a ttuan kho hlei lo.” tiah ttuanvo ngei pakhat nih a chim ning cu a si.
Nihin June 17 i Covid-19 zawtnak in a thi mi pawl cu Tahan in 4, Myohla in 1, Kalaymyo in 2, Tingo in 1, Letpanchaung in 1 le Zonuam in 1 ti’n ttuanvo ngei pakhat nih cun a chim. Tubantuk dirhmun Kalaymyo peng chungah khuate lei zong telhin Covid-19 zawtnak a ngei mi hi minung 300 an tling cang tiah an chim i, tutan Covid-19 a zualhma hnuah a thi mi zat hi minung 46 an phan cang tiah thil sining thei hngal mi nih cun a chim chap.
A Dang Reltthan: Malaysia um mi le india um mi chin pasal tlangval pohpoh zong hi kan um sawhsawh ding a si ti lo. Kan nih malaysia ram um mi le india ram um mi cu chin ram caah zei te hmanh phaisa le chaw va zong pek chan mi kan ngeih khoh lo caah chin ram caah kan thinglung le kan mipum tel hi cu chin ram caah kan cawl canh ve ding le kan ni pek ve ding hi kan ruah can a phan ve cg lo maw ti hi ka ruat.
A tu tan kawl ram ram chung buai nak cu a fak tuk hlei ah tu hnu hman lei caan kar kan hlan ding mi vun tuak i vun cuanh chap ah khi fawi le bai in kawl ralkap uico hrut nih hnu pil an ni timh lo ti cu an cawl canh in hmuh khoh dih a si ko caah kan sem nak chin ram te hi lai hlum long nih kil ven ding ah cun an thazang a dir te kho mi a si caah malaysia um mi le india ram a um mi chin pasal tha zong nih chin ram kil ven ding le chin miphun nu le ngak chia le kan nu le kan pa le kan pi le kan pu hi chin tlangval tha nih kan kil ven hna awk hi kan rian a ngan bik ah kan chiah i kan tuan a hau cang.
Malaysia ram le india ram ah chin miphun tlangval hi thong 10 hrawng hrang cu kan um kho men kei mah lei in ka tuak i malaysia ram le india ram a um mi hi chin ram kil veng ding ah CNA CDF ah luh khoh dih hna uh sih law a tu chin ralkap a um cia thong 10 he i fawnh ah cun chin ralkap hi thong 20 ka si ah cun kawl ralkap cu tuk le doh an hau ti lai lo an mah kawl ralkap nih AA bantuk in a kan tih lai i O Wah miphun O hriamtlai bantuk in chin piny chin ram cu mah ten uk nak a kan pek ding khi % a fiang ngaingai.
A cung lei kan lanh ter mi khi malaysia um mi siseh india ram um mi siseh kan pa le kan u le pengtlang upa hruai tu nih meetting kan tuah piak uh law chin miphun i fawnh dih in khua kan khan piak uh law ceih mai nak khua kan khan piak uh law chin mino chin ram caah kil veng ding le tlung a duh mi hna an um ah cun tlung kal nak le thut dir nak hi khua kan khan piak uh law chin ram cu a dam tuan hrimhrim lai tuan te ah.
Yakhang miphun AA le kawl ralkap an ni doh lio ah khan kawl ralkap nih yakhang miphun pohpoh a hmuh mi poh an tleih hna an tuk hna an hrem hna an thah hna hlei ah an ngeih cia chaw va le sui le ngun vial te an chuh dih hna hlei ah an iin le an lo mei in an duah piak dih hna tik ah yakhang miphun nih kawl ralkap tuah ser nak cu an celh lo i an lung a fak tuk caah yakhang miphun tlangval le nungak he AA ralkap ah an luh dih i kawl ralkap an doh i a tu ah cun yakhang miphun cu kawl ralkap nih a tih cang hna i a lem soi cang hna.
Chim chap ka duh mi cu yakhan le kawl ralkap an ni doh lio ah khan kawl ralkap nih yakhang miphun an tuah to mi hna a fak tuk caah yakhan miphun ram dam a um mi hi a tlung mi an tam taktak thailand ram in yakhan miphun a tlung i AA ralkap ah a lut mi hi voi khat tlung ah minung a zaza in a tlung hna yakhang miphun hi thailand in a tlung mi hi a voi in cu a tam ngai te a bubu in yakhang ram kil ven ding ah.
Chim ka duh bik mi cu malaysia ram a um mi le india ram a um mi chin miphun cu a tu lio te hi kan thinglung a laklawh lio te a si caah chin miphun kan pa le kan u le upa khua khan lai rel tu nih miphun kong le ram kong hi thuk deuh piin a tu lio can te ah hin kan cawn piak kho uh law tlung a duh mi hi an tam ko lai tiah ka zumh.
A donh nak chim ka duh mi cu kei cu chin nu lai nu hi ral doh ding ah cun ka siang bak hna lo a tu i CNA camp chung i chin nu lai nu kan far le kan fa le ka tu le nih tarining ral doh an cawn mi ka hmuh ah khin ka ngeih a chia nan si ve cio ko lai ti ka zumh mah ca ah cun chin pa lai tu nih hin chin ram kil ven cu kan mah rian deuh a si ti hi ka hmuh. Credit: PT Satu
