Related Articles
Ralhrang Nih An Tlaih I Covid In A Nunnak A Liam An Timi Salai Van Tha Cung Lian Ruhkhua Vuinak An Tuah Ralhrang nih an tlaih hnu nikhat ah Covid in a nunnak a liam an timi Salai Van Tha Cung Lian ruhkhua cu June 27 ah chungkhar hna nih Duwainchuang khrihfa thlan an vuinak an tuah.
Thil umtu ning cu,Kalaymyo Tat-ti-te veng ummi U Zaw Myint le afa Ko Zaw Thet@Salai Van Tha Cung Lian(kum 25) cu June 25 zanlei suimilam 3 hrawngah ralhrang nih an tlaih i an kalpi June 26 zanlei suimilam 2:30 ah a fapa cu Covid in a nunnak liam tiah chungkhar thawng an thanh hna. A ruak cu ralhrang nih mei in an khangh.
A ruhkhua hi zinglei suimilam 10 ah service an thawk i,suimilam 11 in.inn in a chuak i a ruhkhua cu Duwainchuang Buddhist thlan ah an khangh mi cu an va lak i,Khrihfa thlan ah an vui. Credit: The Chin Post
A Dang Reltthan: Ralkap le palik dirhmun in ralkap cozah dohkalh in CDM an tuah tikah rian kan chuah taak lo, caan karlak lawng kan i din, thim mi cozah nih nawlngeihnak a ngeih tthan tikah rian cu kan peh tthan te lai tibantuk in ca an thehluh ttheu tawn hna nain, an hrangah san a tlai lem lo i CDM an tuah le cangka an nunnak a him ti lo.
Cu ti a si ruangah palik le ralkap lakin CDM tuah hrimhrim mi cu an umnak hmunhma chuahtaak in an zaam cio i an him khawhnak ding hmun ah an i dor tawn. Cubantuk an i dornak hmunah tlaih a tongmi palik le ralkap an um ngaingai cang hna i tlaimi hna hi sia an herh ngaingai hna.
Magwe ramtthen Gangaw myone Ganneme palik sakhan in CDM tuahmi palik 2 zong June 26 ah ralkap pawl nih an tlaih hna. Anmah cu March thla in CDM a rak tuah cang mi kha an si i an tuah le cangka an sakhan cu chuahtak in Kalay le Gangaw karlak Yesinmah khua ah an rak i dor. June 26, zaanlei suimilam 4 hrawngah ralkap pawl nih cun an i dornak hmun an theihchuah i an umnak hmun ah an va tlaih hna.
Tlaihmi pahnih 2 cu Naing Naing Toe le Zaw Moe an si. Naing Naing Toe hi Ganneme palik sakhan hmuntthen Min Zua khua i palik sakhan ah palik rian a ttuan mi a si i Zaw Moe cu Ganneme palik sakhan hmuntthen Gangaw myomah sakhan i palik ttuan mi a si.
