Related Articles
Nithum chung ah Rezua le Hnaring Palek 22 CDM an tuah Chin Ramkulh Rezua Peng Lungngu, Ramse le Thantlang Peng Hnaring khua Palek sakhaan in Palek 22 cu 2021 May 31 in June 2 tiang ah CDM an tuah, tiah kan theih.
“May 31 khan CDM an tuah i June 2 tiang ah 22 an si. Tam deuh cu Chin miphun an si i atu hi Rezua Palek Sakhaan hoi ahcun Palek 8 hrawng lawng an taang cang. CDM a tuah mi hna hi an dihlak in hmun khat ah maw an um, asiloah a dang cio in dah an um ti cu ka hngal kho lo,” tiah khuami pakhat nih The Hakha Times ah a chim.
“Minung pakhat nih phone a vun ka chawnh i fuurpi a si fawn, ramtang ah ihzaunak, umthutnak le tirawl kong ah kan harsa ngaingai, tiah a ka chimh,” tiah khuami pakhat nih The Hakha Times ah a chimchap. The Hakha Times, June 2. Credit: The Hakha Times
A Dang Reltthan: Nungak hi an i lo/khat cio lo, duhmi, uarmi le hmuh ning cio aa dangmi an si cucu minung phung zong a si fawn. Nungak pakhat nih zeibantuk pa dah a duh/uar phun a si timi ah an ruahning le an duhmi aa dang cio lai. Hmanhsehlaw tu i kan rak langhter mi ahhin cun hlathlai(research) tuah hnu i a tam deuh duhmi in rak langhter mi an si.
Umtu hoiher a thiammi le aa Tangdormi : Pa a si ahcun a biachim holhrel ah aa ralringmi a si lai, a puar/ziaza ttha lo hrim a si awk si lai lo. Zei paoh ka thei dih aa timi pa(minung) a si lai lo. Amah tawk ah a zum(seihchiah) mi a si lai nain a zumhnak ahcun a luan mi a si lai lo.
Thil hruk/Aih: Nungak tam u nih hin thil hruk aih ah thil thar siseh tu lio an uar mi thil(a lar cuahmah mi) an hruk aih mi khi nungak tam deuh nih cun zei ah an rel lem lo(an care lo). Zeibantuk thil aa hruk hmanh ah aa rem kho dingmi kha an uar mi a si. A thil hruk aih mi ah thianghlim tein a chia kho zungzal mi le amah tawk le zaa tein aa hruk aih mi a si lai. Puai caan siseh lenvah caan siseh dawr pakhat khat ah maw ei le din ah siseh zeibantuk thil hruk ah dah a tthat lai tiah a thlei dang kho mi a si lai.
A Rim thaw mi: Nungak tam u nih hin pa a rim thaw mi hi an uar khun hna cu caah zihmui(perfume) a ttha deuhmi hman ah a ttha. Pa rim a chia mi nih khin zei tik hmanh ah nungak lung an tong kho lo. Nifatin aa kholh ttawlmi a si lai i a thilhruk zong punghman tein aa thleng zungzalmi.
Sam(Hair): Nungak tam deuh nih hin a paw thar mi sampung paoh hi an uar lem lo. Dawh te le rem tthiptthap tein a chia zungzal mi le zei tik caan paoh a sam hnawm bal lo mi. Tlawmpal te a kir pah mi zong khi an uar ngai.
Lungthin/Ruahnak: Zeibantuk nungak paoh nih a lungthin kal a ttha mi le a tluangtlam mi a duh lomi an um theng lai lo. A leh thei ngaimi(mi duh zawng a thei mi) khi an uar ngai hna, lengchuah caan zong i kut vun hawn piak tibantuk, zeitik caan paoh ah a nungak nu kha a fak zungzal mi pa khi an uar taktak hna.
Thil Duhmi Ah: Nungak tlangval karlakah hin duhmi thil aa khat ah khin a ttha ngaingai mi thil pakhat a si ve zeicatiah zei thil an tuah hmanhah a tlamtling. Hmanhsehlaw thil duhmi aa khah lo zongah mah cucu thil biapi a si lem lo. Zei dah an duh lo tiah cun zei hmanh duhmi thil ngeih lo tu khi a si, pa pakhat nih cun duh/uarmi thil pakhat khat ngeih ahau. Bianabia ah lentecelh lei ah maw si loah movie zoh lei ah tibantuk. Thil pakhat khat ah uarmi thil ngeih a hau.
Phaisa: Minung cu nu le pa rumnak in a chuakmi tampi an um cucu minung nih kan kham khawh lo mi thil pakhat a si. Hmanhsehlaw nungak tam u nih hin a rum mi theng khi an uar lem lo, a rum lo zongah pa pakhat nih cun zuamnak lungthin le cucu a si hrim lai tiah lungput a ngei mi pa khi an uar taktak hna pinah an upat mi hna a si.
Ruahnak Kaumi/Theihhngalhnak Kaumi: A ho nungak hmanh nih a hruk chupchap mi sin i ichawnhbiak khi an uar lo taktak mi a si, zeihmanh a theih hngal lo mi mu. Cu caah nungak tam deuh nih cun pa pakhat a si ahcun tu lio thil sining, vawlei cungah zeibantuk dah a can cuahmah tibantuk le thil a hlathlai zuam/huammi khi an uar ngai hna. Cu caah ca rel tam te hna thawngpang theih tam te hna khi nungak tam deuh nih cun an ngiat ngaingai mi a si. Source: Quora
