Related Articles
NUG: A Caan Zat in Ralthawhnak Thawng kan Thanh Lai Nihin (June 4) zaanlei sml. 5:00 ah NUG nih online in a tuahmi Press Conference ah SAC ralhrang do ding in a caan a cut in ralthawh thawngthanhnak kan tuah te lai, tiah NUG’s Ministry of Defense ah Deputy Minister a simi Daw Khin Ma Ma Myo nih a chim.
“SAC ralhrang uknak ahram in kan chah khawh nakhnga a caan a zat in NUG nih ralthawh thawngthanhnak kan tuah te lai. Khi tik ah SAC ralhrang kan thluk khawh nakhnga Myanmar rammi kan zapi in tho tti hna u sih,” tiah a chim. “Atulio ah mahlei ngeihmi ralhriam thlir in SAC ralhrang a do cuahmahtu zong an um hna. Nunnak pek in ram ca ah SAC ralhrang a domi vialte NUG nih kan in dirpi hna i upatnak zong kan in pek hna,” tiah Daw Khin Ma Ma Myo nih a chim chap.
NUG nih nihin zaanlei ah a tuahmi Press Conference cu Myanmar rammi hna nih ngeih le zoh khawh lo ding in SAC ralhrang nih zaanlei sml. 5:20 in sml. 6:00 tiang hrawng Internet Line an thah. Atutan hi NUG nih phungning tein a voi khatnak bik Press Conference an tuahmi a si i, Myanmar ramchung Media pawl le ramleng Media pawl in reporter tampi an kai hna. Ralthawhnak authawng NUG nih a thanh tik ah Myanmar ramchung tlangcungmi hriamtlai hna i tlangtlaknak tang ah PDF pawl an cawlcaang lai, tiah Daw Khin Ma Ma Myo nih a langhter. Credit: The Chin Journal
A Dang Reltthan: Indonesia Meitlang pakhat khuaruahhar a ceu mi cu Indonesia ram ah a minthang ngai mi meitlang pakhat Mount Merapi Volcano tlangpar ah van lei in rawng hring in a rak kah mi an hmuh.
Mah hmanthlak hi Indonesian hmanthlatu pakhat Gunarto Song an ti mi nih May 28 ah a post mi a si i, mithiam pawl he mi vialte nih theihfiah an duh ngai mi. Mi cheukhat nih vulei dangin a rak zuangmi a si lai a ti mi hna an um bantukin cheukhat nihcun arfi a zuang mi a si lai tiah an ti ve.
Ruahnak tampi a um mi lakah National Institute of Aeronautics and Space (LAPAN) nih nikum chungah vuleicung ah hmunkhat pi ah tampi a rak tla mi arfi zuang pawl he a pehtlaih mi a si lai tiah an ruah. Nikum May 14 le June 24 chungah van in arfi zuang mi tampi cu vuleicungah a rak tla caah a tubantuk a hringin a ceu mi hi a chuak tiah theih a si.
