Related Articles
Tulio Kawlram sining ruah ahcun lung amit i rawl ei ka hmanh a thaw kho lo tisihlaw kan palh lai lo cu tluk cun Kawlram mipi nih cun kan tuar ning cio a si a bikin Kawlram um mi mipi ko caah hin ruah a tam khun, Zingzaan thin thi kho lo in khua an sa cio lai cu si kaw, zeitluk in dah a va har hnga.
February thla khan ti ko sih Kawl ralkap nih cun nawlngeihnak cu a vun laak ruangmang ko. Cucu Kawlram mipi tam deuh nih cun kan duh lo i a kenkip in kan doh cio, CDM chirhchan in lamzawhnak zongah heh tiah ttanlaak cio kha a rak si i hliamhma tuar cu chim hlah nunnak a thaap mi an tlawm ti lo.
A tu cu kan theih cio bantukin mah le hmunhma cio ah ralkap dirh cio a si i mah le sikhawh tawk cio in rak doh cio an si, nunnak a liam mi zong an tam cang. A tu tiang ahhin NUG(ralhrang a dohtu cozah) nih an mah ralkap PDF hmangin kahdohnak hi a chuah tak cang timi thawng hi theih a si tuk lem lo(nihin Mandalay kahdohnak dah ti lo) cu caah kan nih Chin miphun hna nih hin NUG hi kan i bochan tuk ding si maw timi hi ruah awk a tam ngaingai.
Zeicatiah kan covo voihnih kan sung kho cucaah Israel R Thang nih a facebook timeline a rak tarmi hi ruah lo awk a ttha lo mi thil pakhat a si ve an mah NUG nih hin CNF siseh CDF tu hi kan bochan hna sehlaw Chin miphun pi nih cun teinak kan hmuh tikah kan duhmi thil cu a tlam tling ve cang hnga.
Zeitindah Israel R Thang(amah hi cattial thiam pakhat le thil thei pakhat a si ve caah a si) nih cun a ttial tiah cun “NUG hi kanmah nih bochan ding asi lo. NUG tu nih Chinmi (CNA/CDF) hi an kan bochan awk deuh asi. Culo ahcun kan covo voihnih kan sung khawh.” Ti’n a ttial ning cu a si. Cucaah kan Chin miphun nih hin tutan dothlennak kan tuahcuahmah lio mi ah kan fim a si ahcun a hlawkdingmi covo hi kan tlolh lem ti lai lo.
