Related Articles
Bodybuilder lar ngaimi pa pakhat nih cun nupi 2 a neih hnuah biachahnak ngei tthan in, a 3 nak hi cu a lungtongbikmi pa lem(a ttuh) cu nupi hrangah ngeih tthan aa timhnak cu a chim.
Vawlei cung theihin bodybuilder lar ngaimi ah aa telmi Yuri Tolochoko nih cun a nun chungah a voikhatnak nungak lem(a ttuh) cu nupi ah aa siam i, a nupi cu caan tlawmpal ah a hrawh tthan dih ruangah a tthen colh i, a nupi 2 nak hrangah ar lem(a ttuh), a min ah Lola tiah a sakmi, cu nupi ah aa siam tthan.
Kazakhstan pa tthawng le lar ngaimi Yuri nih cun tuan deuh te ah khan amipi(fans) hna sinah nupi a ngeih tthan dingmi cu a chimh tthan hna, a nupi 3 nak hrang ahcun pa lem(a ttuh) cu ngeih aa timhnak kong cu a chim chap. Pa lem he duhthusam takin len tti cu a thinlung ah a khat ngaingai tiah a chim cu a si.
Yuri Tolochko nih cun a hlan pi khan nu le pa karlak thleidannak ah zeihmanh thleidannak ka ngei lo i ka hmuh ning hna aa khat dih timi kong cu a rak chim bal cang fawn. Tu zongah ‘The Dating Show’ on FUBAR Radio ahcun nupi 3 nak a ngeih dingmi cu i phuhrunnak zeihmanh ngei lo in a chim i, a 4 nak zong hi ka ngei zau lai tiah hnabeiseinak ka ngei ko tiah a langhter rih.
Kum 2021 March thla dih lei hrawng ah khan Instagram leiah a followers hna sin ahcun nupi thar Lola a neihmi cu tarlangh in a nupi cu ar lem bantuk ah a siam. A cunglei(a lu) cu ar bantukin a si i a tanglei hi cu minung nih a ngeihmi bantuk te a si ve ko.
A chim ning ahcun, “Margo he cun kan i tthen cang i, kan i tthennak a ruang bik hi chim ah a ttha rih lai lo tiah ka ruah ti’n mipi theih ding cun fiang hlang bakin a chim cu a si.
A Dang Reltthan: Siaremlo in a ka chiatu Lai/Chin thawngzamh cheukhat “Minung hi mizei hmanh a mah lawng in a nung kho le khusa kho kan um loh” ti hi al awk a ṭha lomi a si. Cubantuk ṭhiamṭhiam in zeibantuk thil hmanh hi ruang ngeilo in a chuakmi an um loh. Zil le Mai hmanh anmah le an ruang teah an tlai. Chim duhmi cu, zeibantuk thil paoh hi kan tuah tikah tuah duhnak ruang le tuah hnawhchan kan ngei.
Lai thawngzamh cheukhat (tampi: a bik in phung ning in thawngzamhnak nawl a ngeimi) hna nih mah holh le ca tein thawngzamh khawh a si komi miphun dang Kawl tbk ca in mah miphun hna sin ah thawng kan zamh tawnmi hi cu ruah deuh a hau ko lo maw! Kawl pawl nih rak thei in rak hngal ve hna seh ti kan duh ahcun Kawl holh le ca a hmangmi hna si ah va ṭial/zamh ve ding khi a si ko hnga.
Kawl can in na kan ṭial piak i mitampi nih cun kan thei kho ti loh hi teh. Kan miphun le ca a kan eitu le tlautertu hi miphun dang siloin kan mah miphun lila ka si cuahmah ko cang lo maw! Laica tein na kan ṭialpiak hnu ah miphun dang ca in na van kan ṭialpiak ṭhan ahcun cucu lawmh a ummi le a si hnga. Miphun tampi holh/ca in thawng zamh khawh hi a ṭha i kan in lawmh, upat fawn hna.
Nain, kan mah miphun chung thawngzamhnak ah miphun dang ca lawngte in thawng nan kan zamh hnawhmi hi cu ruah deuh a hau lo maw… Faak deuh in chim ahcun, “Uico Saphaw ṭam kan hluan”. Miphun kan ṭanh e, miphun le ram caah thih ka ngamh e…tiah kan kaa nih a chim lio ah kan tuahsernak cheukhat in kan miphun le ca kan zuar ṭung ahcun, cu kan chimmi cu zeidah a ṭhahnem!
Nawlnak: Kan Chin ram ah thawngzamh lian deuh kan in ngeihmi hna nih miphun dang CA in thawng kan zamh piak hram ti hlah u (Laica in nan ṭial hmasa ṭunglo ahcun). Credit: Hrang Lian Cung(FB)
