Related Articles
Falam ah COVID-19 zawtnak in minung pakhat a thi than, atulio Falam ah zawtnak ngei minung 74 thlopbul lio an si
Nihin June 21 ah Falam sii-inn ah COVID-19 zawtnak ngei thlopbul lio mi Pi Lun Khaw Kiang (kum 76), Hau Do Mang nu cu a thi i Volunteer pawl nih Canmari thlanmual ah an vuai cang tiah kan theih.
Nihin ah minung 20 zawtnak chek an si i cu chung ah minung 15 sin in zawtnak hmuh a si than. Atulio Falam Sii-inn ah COVID-19 zawtnak ngei thlopbul lio mi minung 74 an um tiah kan theih. Credit: The Hakha Times
A Dang Reltthan: Daihnak cu buainak umlo lawng hi a si lem lo! Tulio Laimi, a bikin Lairam kong ruah tikah daihnak van kan hai tuk. Kan ram te hi dai cang seh tiah thlaza kan cam. Daihnak caah kan tuah hau tiah kan ruahmi kan tuah. Daihnak hi kan nunnak pe in kan kawl, kan hawl, kan hlam. Sihmanhselaw, hi Vawlei ah daihnak nakin buai chinchinnak le pakhat le pakhat eihmuarnak ai chap chin lengmang.
Miphun dang, a bikin zumtu hna nih an chimmi bia cu: raltuknak asiloah buainak a um lo lawng khi daihnak (Peace/Shalom) a si lo. Daihnak taktak cu Pathian Thiangthlarau he i hawikom, cu nih umpi hi a si ko an ti. Cucu hi ca a reltu miphun hawi hna, Khrih ah unau hna Filipi 4:7 ah ai ṭial bantuk in: Pathian daihnak, minung hngalhnak a lonhtu, nih cun Khrih Jesus chung ah him tein in chia ko hna seh.
Johan 14:27 ah Jesus nih, “Daihnak kan chiah ta hna, Keimah daihnak cu kan pek hna. Vawlei nih an pek hna bantuk in kan pe hna lo. Lungre thei le vansang au in um hlah u, nan thin zong phang hlah u.” a kan ti. Johan 16:33 ah “,… Vawlei nih harnak an pek hna lai, sihmanhselaw ṭih hlah u. Vawlei cu ka tei cang.” a ti. Amen. Hi Vawlei le thihnak hmanh a teitu Bawipa cu kan Pathian a si i fiang tuk in bia a kan cah ta, Thiangthlarau kha ka van thlah la le an bawmh hna la, a ti.
Galati 5:22-23 ah Jesus Khrih le Thiangthlarau thawng in daihnak taktak kan hmuh ning kha Paul nih tihin a ṭial: “Sihmanhsehlaw Thlarau nih a chuahtermi hna cu: dawtnak, lawmhnak, daihnak, lungsaunak, zaangfahnak, ṭhatnak, zumhawktlakmi sinak, toidornak le mah le mah i tei khawhnak tehna hi an si. Cu bantuk thil hna caah cun nawlbia zeihmanh a herh lo.”
Atu caan ahhin Covid19 ruang ah maw, cozah uknak chia nih a chuahpi harnak ruang ah maw, zeidang sungh zatlak le chungkhar ah buainak hna ruang ah lungrethei vansang au in na um ko lai. Cucu vawlei a si caah si. Jesus nih nan ton ko la, tiah fiang tukin a kan chimh ko. Sihmanhsehlaw, cu kan tonmi ngaihchiatnak, buainak le sunghnak hna cu vancung khua i a ummi kan Pa sinah kan chim tikah Filipi i a chim bantuk in kan thinlung le ruahnak cu Khrih Jesus nih himte in a ven i daihnak taktak kha kan hmu ṭhan. Zei ruang paoh ah si ko seh, Thlacam ko hna usih. Daihnak nan cung ah um ko seh. Credit: Si Bawimang Lian
