Related Articles
Nizaan tihni ah Hakha peng Senthang khua chungah ikahdohnak a fak pah ngai, thawngpang theih ningah CDF lei zong minung tlawm ngai te an si tiah theih a si. Cucaah tthenkhat mipi zong CNA cu an mawhchiat ngai hna i zei ca dah an i tel lo ti a si.
CNF/CNA hi an konglam taktak kan thei lo, a thli tein dah an cawlcang maw ti kan thei khe tak lo, CDF ah teh mipi theih lo dingin rian an ttuan maw ti zong kan thei khe tak lo zeicatiah fianghlang tein thawngthanhnak a um ve loh i mipi nih an uhttanh mi hna zong hi an mawh lo. CNA/F cu mipi(Chin) ralkap an si tikah mipi nih rak cuanh cio hna mi an si.
Atubantuk in nizaan tihni ah Hakha peng Senthang khua i CDF le rallokap ikahnak kong zongah A Peng Khup Chon(a deu fake cu si lai lo dah) timi Facebook id hmangin a chimmi cu hi ikahdohnak ahhin CNA hi pakhat hmanh an i tel loh timi ka theih bak tiah a langhter. A peh rih mi cu CNA chungin minung 5 te hmanh i tel hna sehlaw kan thah dih hna lai tiah a ti.
Chinland News ah ti hin a rak tarlangh ning cu a si “Hakha peng senthang lei kahdo nak CDF nih rallokap pa 4 an tha hna i rallokap nih bom in voi 500 hrawng an puak hna le meithal ngan he an kah hna ruang ah CDF lei nih hnu lei an ni tawn nak ruang cu a chimh CNA an ni tel lo ti hi rak theih chih uh CNA pa 5 hmanh tel ve hna seh law Kan thah dih hna lai tiah an chimh.” ti’n a rak ttial.
Note: Hi kongah CNF/A ka soiselnak hna pakhat hmanh a um lo i, zei tik hmanh ah ka dirkamh peng mi hna an si. A Peng Khup Chon timi facebook id hmangin Chinland News group ah hi kong arak thlahmi cu kei cattial tu nih ka rak langhter chin mi a si. Lawmhnak tampi he.
A Dang Reltthan: May 1-31 tiang ah Myanmar ramchung ah hmun kip ah SAC ralhrang le an hnuzul pawl minung 577 an thi, tiah BAP nih cazin a lakmi a langhter.
Ralzam ah a thimi SAC ralkap pawl lawng si loin SAC ralhrang hnuzul khua/sang uktu le dalan pawl zong an relh chih hna. May thla chung lawng ah 577 an thi i, a dang minung 378 hi hliamhma an pu hna. Ni khat ah minung 18 rate in an thi.
Cun, May thla chung ah peng kip le khua kip ah a cangmi mipi rungvengtu ralkap bu, tlangcungmi hriamtlaitu hna le SAC ralhrang karlak kahdohnak voi 289 a chuak. Abikin, Kachin, Kaya, Kayin, Chin, Shan, Magwe ramtthen le Sagaing ramtthen pawl ah kahdohnak a tam i, cuka hmun pawl ah cun SAC ralhrang a thimi an tam hna.
Cun, Yangon tibantuk Kawlrawn chung khuapi pawl ah uknak lei zung le dalan inn bomb puah a tam i, thah a tongmi khua uktu/sang uktu le dalan pawl an um len. A cunglei May thla chung SAC ralhrang a thimi le hliam a pumi cazin hi Myanmar ramchung zumhtlak Media pawl nih an tarmi Data pawl cherhchan in BAP nih a lakmi a si.
Nizaan May 31 i, Kayin ramkulh, Demoso peng, Kungtha khua kahdohnak lawng ah SAC ralhrang 80 hrawng an thi. Atu bantuk in SAC ralhrang lei a thimi an tam tuk nain SAC thawngzamhnak Myanmar Alin le Kye Mon tibantuk ah a thimi milu fiang in langhter a um ballo. Credit: The Chin Journal
