Surkhua Ummi Khuanu/Khuapa Caah Zei Tluk Ngaihchia Dah A Si Mu Zaangfak Tuk An Si Ko Ee

Related Articles

Fanu Mitthli: Na Temh Lai Ning Ka Ruah Hin Ka Celhlo, Na Zei An In Tuknak le Dennak Dah A Fak Bik, A Hnubik Na Mui Zoh Awk Te Hmanh Umlo Lakin Ma An In Hrem Ko

March 23, 2023

Lung A Faak Ko: Mizoram, Saiha Ah CDF Ka Si Tiin Chin Mi Minung (3) A Thah Hna

March 23, 2023

“Kai Thongh Lai Paoh Ah Nuva Siinak Hi Ka Sikhawh Chungin Tuah Kai Zuam” Tiah UFC Champion Hlun Ronda Nih A Chim

March 22, 2023

Hakha peng, Surkhua ah SAC ralhrang pawl an rak luh caah khuami an zaam dih i, a zaam kho lomi kum upa tar minung 20 in 30 karlak hrawng lawng khuachung an taang, tiah thawng kan theih.

SAC ralhrang pawl Surkhua an phak hnu ah khuachung ah meithal an puah hnawh len hna caah khuami an um ngam ti lo i an zaam dih hi a si.

Minung pakhat nih, “SAC ralhrang pawl an rak phan i zaan ah khuacung ah voi tam ngaite meithal puah sawh in an puah len. Khuami pawl an um ngam ti lo caah an zaam dih hna. A zaam kho lomi tarnu tarpa pawl cu biaknak lei rianttuantu hna nih an zohkhenh hna,” tiah a chim.

SAC ralhrang an phak hnu ah Surkhua a zaamtakmi hi an zapi in 1,700 in 1,800 karlak hrawng an si lai, tiah a cunglei minung nih a chim chap.

June 1-2 tiang SAC ralhrang pawl cu Surkhua meithat zung ah hmunhma an khuar nain June 4 ah cun Surkhua ah an um ti lo, tiah khuami pakhat nih a chim. Loklung khua in a zaammi hna zong atu tiang khua an hlam kho rih hna lo, tiah thawng kan theih. Credit: The Chin Journal

A Dang Reltthan: NUG: A Caan Zat in Ralthawhnak Thawng kan Thanh Lai Nihin (June 4) zaanlei sml. 5:00 ah NUG nih online in a tuahmi Press Conference ah SAC ralhrang do ding in a caan a cut in ralthawh thawngthanhnak kan tuah te lai, tiah NUG’s Ministry of Defense ah Deputy Minister a simi Daw Khin Ma Ma Myo nih a chim.

“SAC ralhrang uknak ahram in kan chah khawh nakhnga a caan a zat in NUG nih ralthawh thawngthanhnak kan tuah te lai. Khi tik ah SAC ralhrang kan thluk khawh nakhnga Myanmar rammi kan zapi in tho tti hna u sih,” tiah a chim. “Atulio ah mahlei ngeihmi ralhriam thlir in SAC ralhrang a do cuahmahtu zong an um hna. Nunnak pek in ram ca ah SAC ralhrang a domi vialte NUG nih kan in dirpi hna i upatnak zong kan in pek hna,” tiah Daw Khin Ma Ma Myo nih a chim chap.

NUG nih nihin zaanlei ah a tuahmi Press Conference cu Myanmar rammi hna nih ngeih le zoh khawh lo ding in SAC ralhrang nih zaanlei sml. 5:20 in sml. 6:00 tiang hrawng Internet Line an thah. Atutan hi NUG nih phungning tein a voi khatnak bik Press Conference an tuahmi a si i, Myanmar ramchung Media pawl le ramleng Media pawl in reporter tampi an kai hna. Ralthawhnak authawng NUG nih a thanh tik ah Myanmar ramchung tlangcungmi hriamtlai hna i tlangtlaknak tang ah PDF pawl an cawlcaang lai, tiah Daw Khin Ma Ma Myo nih a langhter.