Related Articles
Sagaing ramtthen, Kalaymyo khuapi cu Covid-19 hrirai ruangah June 3 in “Stay At Home” cathanh an chuahnak kong cu Myanmar ngandamnak lei nih Tuzaan June 2 ah mipi theihternak an tuah. Cuti rual in Wesley Sizung zong khar chih a si.
Nihin June 2 ah Tahan Wesley sizung i rianttuan sibawi le Nurse 8 pinah midang 2 cu Covid-19 zawtnak an ngei tiah theih a si i mahcu ruangah Wesley sizung zong khar chih a sinak kong cu mipi sinah theihternak ca an chuah. Nihin Kalay i Covid-19 zawtnak ngei thar an hmuhmi dihlak ah minung 10 an si cang.
Tahan Wesley Sizung lei nih “Wesley sizung cu Covid-19 hrirai a karh cuahmahmi khamnak caah June 2, zaanlei suimilam 5 in thawng kan theihtermi hna bantukin khar a si tiah mipi kan in theihter hna. Cu a si ruangah Wesley sizung ah mipi nan rat rih lo nak hnga dingin le damlo kan cohlang rih hna lo timi cu mipi kan in theihter duhmi hna a si. Sizung kan rak on tthan tikah theihternak kan rak tuah tthan zau lai.” tiah ca an chuah.
Myanmar ngandamnak zung nih Kalaymyo “Stay At Home” cathanh a chuah caan hi June 3 zinglei suimilam 4 in thok ding a si i zeitik tiang dah an tuah lai timi kong phuannak an ngei rih lo. Kalaymyo hlanah Tamu le Tongzang peng zong “Stay At Home” cathanh hmasa an rak si cang i Tongzang peng Cikha khua cu ni 10 chung lockdown tuah a si.
Nihin June 2 ah Myanmar ramchung ah Covid-19 zawtnak ngei thar mi 72 hmuh tthan an si i mahcu chungin 33 cu Chin ramkulh Tonzang peng in le 10 cu Kalaymyo in a si. Tuan deuh ah khan Myanmar ramchung ah Covid-19 zawtnak ngei tharmi 122 an rak hmuh. Tubantuk dirhmun tiang Myanmar ramchung ah Covid-19 zawtnak ngei 143823 an hmuh cang hna i cu chung in a thi mi hi 3218 an si cang. Source: BBC
A Dang Reltthan: KANRAM BUAI NAK KONGAH,AHERH NINGIN ȚAN DIH VIAR AHAU CANG. Atu lio kanram buaibai nak kongah, Ramleng um mi nih, Neihchiah chawva in kan sian le sian lo nih Aneih ti lo, kan bomhchanh Hrimhrim Ahau cang, Ramchung mi zong nih, kan țih le țih lo Ngam le ngah lo nih Aneih ti lo, kan banh khawh mi hriam nam in ka tuk hna Ahau cang.
Kawlram cu, kum-60 renglo, Aanasin (dictator) in An kan uk, Niwin nih kum-26 chung ralkap le Tanbo ah Ahman mi hna, Party-Council-10% nih Mipi 90% kha Sal tuah in an rak kan tuah, Sia ruahtuar in kan tuar hna,.Thanshwe nih, Ralkap uk nak in Apeh țhan, Ralkap nih uk peng khoh nak dingah, 2008 phunghram fekțhup in Asuai, Ralkap 25% le Ralkap Minung USDP party nih Ralkap 25% he fonh in Uk nak tlaih peng ding in, 2008 phunghram An suai, 2010 thim nak ah, NLD Aluh lo caah, USDP nihan tei Cozah Antlaih, 2015 thim nak ah NLD an lut i, NLD nih fak tuk in Atei hna, cutin, Ralkap le USDP cu 2020 thim nak cu Caanțha an hngak.
2020 thim nak ah cun, NLD nih cu hlan bantuk in Atei ti lai lo tiin An ruah, USDP le Ralkap 25% fonh in ka tlin deuh lo le, Party fa tete fonh in Cozah kan tlaih lai i, MinAunghlan hi President ka țuan te lai tiin Arak i ruah, Asi nain,2020 thim nak ah, NLD nih faktuk in Atei țhan tik ah, NLD nih 2020-2025 ah cun, Ralkap hi Akan țhuat canglai, ti kha an fiang cang, Ralkap nih Cu hlan vialte kantuah ser nak kanzo Alang cang lai ti kha an theih caah, Ningcang loin, Aana Ating nak Asi.
Kum-60 renglo Atu le Atu, Aana An ting lengmang mi cu, Mipi nih Lungfah celh lo tuk ah, Banh khoh mi le Phak khoh mi Hriamnam in Ralkap SAC cu Vawlei cung tuan bia ngai ah um lem lo mi, buai nak biatak tein Achuah canglai caah, Ramleng Aum mi le Ramchung um mi biatak tein timh lamh kan hau dih cang hna.
ASEAN ram 10 chungah Ralkap le hriamnam kong dothlat tu (Research) tuah tu nih, kawl ralkap hi, UNO law ah cun, ting-5 cu um ding an si, Asi nain ting 5 cu um loin, ting 3 cu an um lai i, Raltu mi pawl cu, ting 2 cu an um lai Ati,.Tlangcung hriamtlai hi kan dihlak in, ting-1 hrawng kan si.
Kan hnu march thla dih ka ah “kawlram buai nak kaCuanh ning” tiin, karak țial mi chungah ka langh ter cang,.kanram cu hihnu ah fak taktak in Abuai in thisen aluang canglai, Ramchung ralpi Atho canglai,CRPH le NUG cawlcangh nak in, hriamnan Mipi a bomh hna lai, Mipi le Tlangcung hriam tlai nih, Ralkap Antuk cang lai caah khuaci kan mui cang lai, Asi nain, Ralkap chungin, Mipi lei țangmi țhencheu nak Achuak te lai, UN zong Aherh ning in An thlak te lai, i Mipi nih, tei nak kan hmuh cang lai.
Mipi nih tei nak kan hmuh in, CRPH le NGU nih, Thla-6 chung maw tiin, Uk nak An tlaih chung lai i, Phunghram pi An suai lai i, kum 70 reng lo kan Au pi peng mi, Federal Union cu kan ser cang lai,..Asi nain, Ruah Awk um mi cu, Hriamnam in Ralkap Uk nak chuh Asi lai caah, State kongah kan buai ngai kho te men, tck/ Sianram hna khi Wah kongah si seh TNLA le Adang hriam tlai pawl le kan mah Chinram kongah Zomi hei ti hna pawl kan um hna, Asi nain, NUG Cozah nih biatak in An tlaih khoh te ko lai ti cu ruah chan nak ka nei ko.
Kum 60 renglo Atu le atu Aana Anting lengmang mi 21 Century tiang i, MinAunghlan nih Aana Ating țhan mi cu, PAWPI nih Athih lai ah Inn zuat Sațhil Aseh an ti bang, kum 60 renglo, kawlram Ralkap uk nak cu Adong kirker cang lai. Tei nak hmuh khoh dingah timh lamh nakkan neih ding le Harnak taktak kan ton lai dingzong timhlamh cia in kan um Ahau, Cu caah Ramchung ramleng um mi nih Lungrual tein, thazang chuah kan hau dih hna. Tei nak cu,Mipi cungah um ko seh. Credit: Sangling Thantlang.
