Related Articles
Ralrin Peknak (Warning) Singapore nih covid in a thi mi hna kha Autopsy an tuah i Virus siloin Bacteria hrik asi timi kha FAKE asi. WHO nih share a khap mi asi. Mi tamtuk nih an share manh cang.
Tihnung mi asi. Na share ahcun rak delete zokzok, na Fb hmanh a rawk kho. Mah kha rak zum bak hlah uh lih asi. Credit: Israel R Thang(facebook).
A Dang Reltthan: Shan ramkulh Loi Lin District Pang Long myone Naung Lai khua i miphun puai ah cun nupa a si mi hna nih cun an harsat tuk ruangah an fale 4 an zuar hnanak kong cu mipi sin ahcun an aupi len.
Hi nupa hna hi kum 30 veve hrawnghrang khi an si i Naa San khua in Naung Lai khua ah miphun puai hmang dingin a kalmi an si ve. An harsat tuk ruangah an fale 4 cu an cawm kho ti hna lo i an zuar hnanak kong cu puai i a rak chuakmi mipi dihlak sinah an theihter hna. An fale 4 lakah upabik cu nutung pakhat nih cawm a duhnak kong zong a chim nain an fapa upabik nih cun a duh lo. Ttap pahin a nu le pa cu zaangfah a hal len hna i nutung pakhat zong nih cun an fapa upabik cu a hruai ve loh.
Neta ah mipi a chuakmi hna nih cun harsat tuk ruang i an fale 4 a zuarmi hna caah ei din siseh a herhmi tete an khawmhsuat i, phaisa an thawhmi cio zong ting 2 a tling. Cu hnu ahcun an fale an zuar hnanak kong cu an aupi ve ti lo i khua leiah tlung dingin an duhnak an chim hnuah an fale 4 cu an hruai hna i khua ah cun an kir tthan tiah a hmun i um Ying Khine Hlaing nih cun a chim.
Ying Khine Hlaing nih cun “Puai tuahnak ah cun ngakchia an zuar timi kong ka theih le cangka ka va zoh ve colh hna. Ngakchia 4 an si i nu 2 le pa 2 an si. Upabik hi kum 5 hrawng a si, a vun changtu hi kum 3(nu), cun kum 2(nu) le thla 6 hrawng a si mi pa an si hna. Ngakchia pahnih cu hnuk a ding lio mi an si.
Tlangcung in a ra mi an ti tikah duhning in chawnh biak khawh an si loh. Ngakchia nu pakhat le bang cu a tlamtling lomi hna a lo. Neta ah cun mipi sinin an hmuhmi tangka ting 2 le ei din phunphun an pek hna i khua lei ah cun an kir tthan. Cu hnu ahcun ka chawn kho ti hna lo” tiah a chim.
