Related Articles
Myanmar ram le Chinram in Mizoram ah aa dor mi ralzaam hna hi MP, Cozah riantuan le zapi zaraan tiin um a si i an zohkhenh hna ning ah theidannak a um ko rua, tiah min langhter lo mi hna nih an chim.
Aizawl ah aa dor mi pakhat nih, “Ralzaam ciocio ah MP le Cozah riantuantu cu an dawt deuh ko rua hna. Mizoram ah ralzaam bawmtu phu 2 an um i cu hna zong nih MP pawl le Cozah riantuantu hna nih an rian an kaltak, tiin an chim cio. A ngaingai cu kanmah le kan pawcawmnak rian kan kaltak cio ko. Cun, MP pawl hoi cu tangka ngei an si ko. Inn hlan zong an hau lo i eidin zong an cawm hna. Khuachung ah inn hlang in a um mi zapi cu kan awlokchong ko,” tiah The Hakha Times ah a chim.
“April 20 thok in Lockdown chiah a si i lengchuah khawh a si lo. CDM committee hi phu 2 an um i facang tun khat cawknak an ka bawmh. Cu pin zeidang bawmhnak a um lo. Ralzaam dornak camp an tuah mi ah le Cozah riantuan pawl umnak lawng a si, an kan ti fawn. Tlun duh ah le kan tlung kho fawn lo. Cheukhat cu ram 3nak um mi an chungkhat nih an kuat hna i an i ning ngai. Zapi cu lungrethei in kan um ko,” tiah min langhter lo mi pakhat nih The Hakha Times ah a chim ve.
Minung cu a niam deuh le sang deuh um phung a si. Ralzaam zapi an kan bawm lo tinak a si lo nain ralzaam ciocio thleidannak a um ko rua, tiin an hmuhning an chim hi a si.
