Related Articles
MNDAA ralkap cu an dai cang rua tiah ralkap pawl nih an ruah hnu hna ah an tuk tthan hna. Nihin July 13 zinglei suimilam 9 le cheu ah Shin khua pawng khuate pakhat ah ralkap lei motor he an rak kai lio ah MNDAA nih an hngah hna i an i do tiah khuachung um mi pakhat nih a chim.
Nizaan July 12 zaan lei suimilam 6 hrawngah khan MungKuu khua pawngah ralkap pawl an rak kai lio ahcun MNDAA nih an hngah hna i cu an i tonnak ah kahdohnak a chuak. Nizaan zaanlei suimilam 6 hrawngah khan PhawngSai khua ah kahdohnak a chuak. Mah kahdohnak ah ralkap lei ah khawndennak a tam tuk caah hnu lei ah an kir.
Cun tuzing suimilam 9 le cheu hrawngah khan ralkap lei bawmh dingin thazaang an rak chap i kahdohnak a chuak tthan. Ralkap lei hliamhma a tuarmi a tam. Minung pa zei zah an thih ti belte fiang in an thei kho rih lo. An i kahdohnak a fah tuk caah an pawngkam zongah um ngam si lo tiah an chim.
A Dang Reltthan: Kawlram cu kan theih cio bantukin nihin ni tiangah kahdohnak cu zual chin a panh thluahmah ko. Tlangcung hriamnam tlai zong nih heh tiah an doh an kah hna i ralkap lei zongin a thi mi hi an tam ngaingai ve cang.
Nihin July 13 zongah Kayin ralkap KNPP le kawl ralkap karah kahdohnak a um i, kawl ralkap lei in a thi mi an tam ngaingai. Ti hin an rak langhter ning cu a si “Kayinni ralkap le Kawl ralkap ikahdohnak ah ralkap lei minung 14 an thi i an hriamnaam hna zong tlaih chih an si.
Kayin Pyi khuate pakhat ah ikahdohnak a um i cu chung ahcun ralkap lei in Tatmah 66, Khalahyah 530 pawl le Kayin ralkap KA/KNPP ikahdohnak ah ralkap lei in minung 14 an thi” tiah theih a si.
