Related Articles
Kan ram(Kawlram) nih hitluk in Covid-19 pulrai a karh lio caan le mipi lungrethei in an um lio caan ah bochanmi Rev Uk Ling Thang nih pekchanhnak a tuahmi hi zohchunhawk tlak taktak a si.
Covid-19 pulrai a karh cingling lio a si caah Oxygen cu Kawlram pi nih herhbau cio a si mi tampi nih hman khawh lo tiangin hmuh awk a har cu lio caan hitibantukin a thil tuahmi cu a sunglawi taktak, Pathian tu nih aa pumpeknak cu theih piak hram ko seh. Ti hin The Chin Journal nih an langhter “Yangon Laimi Oxygen Herhbau nih Rev. Uk Ling Thang sin ah Oxygen Concentrator alak in Hlan Khawh.
Yangon khuasa Laimi chung in COVID-19 zawtnak a tuar i lakhruak in Oxygen a herh tukmi nan um a si ahcun Shwe Pyi Tha ah a ummi Rev. Uk Ling Thang sin ah Oxygen Concentrator alak in hlan khawh a si. Pehtlaihnak: 09796645352 (Rev. Uk Ling Thang)
Rev. Uk Ling Thang sin ah Oxygen Concentrator i hlan awk pathum a um cang i, amah nan pehtlaih khawh lo zong ah The Chin Journal Editor Phone – 09445672734 ah rak kan pehtlai te u.” ti’n an rak langhter ning cu a si.
A Dang Reltthan: Mindat CDF le ralkap cu July 20 in Mindat le Magwe ramri ah an i kaap i July 23 tiang ni 3 chung an i kahmi cu a pawngkap khua mipi pawl khua ah um ngam loin ruahsur le thilchia lakah khua chuahtak in an zaam hna.
Ralzaam buaipitu pakhat nih cun “Magwe leiin ralkap nih an an kah tikah ni 3 chung an i kaap cang i boruak a linsa taktak. Tu zongah an kaap peng rih ko. Tutan kahdohnak ruangah khua chuahtak in a zaam mi mipi cazin kan laak ning a si ahcun minung 700 an tling cang. Mah cazin chungah kan laak khawh lomi zong an um ko lai i khua a chuaktak mi hi an um camcin ko.
“Ikahdohnak ah Mindat CDF lei in pakhat a thi i, ralkap lei in a thi zat belte kan theih kho rih lo. Ralkap lei in ramri an vun nor tikah Mindat CDF nih theihtawk in an rak kham hna hi a si ko. Kan boruak a ttha lo tuk i Mindat le Matupi karlak ah an i kaap camcin ko” tiah a chim.
Tutan cu Mindat le Magwe ramri pinah Mindat le Matupi karlak ah an i kaap i Mindat khuapi chung um mi pawl hi an tuar tuk rih lem lo ruangah zaam an um rih lo. Khuate lei um mi pawl hi a tuartu cu an si i khua ah um ngam loin inn le lo an zaam tak hna e.
