Related Articles
Hlan chan ahcun hnukhaang in takkholh a ttha cem, taksa a nonal ter ngaingai tiah an ti tawn kan theih ttheu lengmang lai dah. Siangnuhrang le milian nupi pawl hna nih cun cawhnuk, tuuhnuk tibantukin an tak an rak i kholh
ttheu tawn hna i an vun cu nonal ngai le duhnung taktak ah a chuak tawn.
Asinain tuchan ahcun hnukhaang hi a har ngai cang caah cu nakin a ttha deuhmi zong an hung chuak lengmang hna. Cu hna lakah Beer hi aa tel ve mi a si. Beer ahhin changvut, barli chang le fangfak tibantukin tuahmi a si tikah taksa
nihhin aa tthat pi ngai. Cu hleiah beer i aa telmi chemical dat nihhin minung taksa nonal ngai in a chiah khawh ve. Curuangah na hmai vun a sinpit lo, a bo mi le arsik tibantuk tlau ter na duh a si ahcun beer in na hmai i phiah tawn.
Nikhatnak: Hrai a thiangmi bakah beer cu thle law. Na hmai zong ti kik in thiang tein i phiah ta law ro tein na chiah hnuah na kutdong in hrai chung beer cu tok law, na tawhmi beer cun na hmai vun chung i lut dingin nam/sawh chih. Kutdong a si lo zongah pavuah zong hman khawh a si. Zaan ah tuahkhawh ahcun a ttha chinchin.
Nihnihnak: Zaan fatin hrai chung i beer na thletmi a dih hlan lo na hmaiphiahnak ah hmang law. Hmai vun chung i hrik na ngeih a si ahcun an hung thak thluahmah lai.
Nithumnak: Zaan thumnak zongah na tuah kel tein tuah law hrik na ngeihmi pawl cu huansam tein an reh thluahmah ko lai. Beer i antibacterial action ruangah na hrik pawl cu an thi thluahmah lai.
Nilinak: Serthur(lemon) na sur mi a haang le beer cu cawh law na hmaiphiahnak ah hmangh, mah cucu nilinak na tuah dingmi a si lai.
Ninganak: Serthur(lemon) haang na sur mi le beer na cawhmi in na hmai naa phiahnak nih na hmai vun i thlanti a rak chuahnak awng/kua pawl kha a kauhter hna lai.
Niruknak: Beer i na hmaiphiahnak ruangah na hmai vun chung i a alnak, a dukmi le a nakmi tibantuk pawl kha a tlau ter thluahmah lai.
Nisarihnak: Na thlanti a rak chuahnak na hmai vun chung kha beer in na thianhpiak/phiahpiak lai i cutin na hmai vun cu nonal ngai le duhnung takah a chuak ko lai. (Zaan fatin te beer in hmai naa phiah ruangah zaan fatin te na din hrimhrim a herh tinak a si bak loh hi awh).
