Related Articles
CNF nih Ralkap 15,000 Leng Raldoh Ningcang a Cawnpiak Khawh Cang Hna SAC nih Myanmar ram uknak an chuh hnu in Myanmar ramchung hmun kip in Camp Victoria a rak panhmi minung 15,000 leng CNF nih Training a pek cang hna, tiah CNF vice-chairman (3) Dr. Sui Khar nih CNN ah a chim.
CNF Headquarters ah CNN Journalist Sam Kiley pumpak in a kal i, CNF ralbawi hna le raldoh a cawngmi Myanmar ramchung hmun kip in mino hna he biaruahnak a ngei. Dr. Sui Khar nih, “Atu tiang ah minung 15,000 leng raldoh kan cawnpiak dih cang hna. A thar in a rak phanmi zong an tampi rih. NUG nih ralhriam damhpiak a zuam hna lai,” tiah CNN ah a chim.
Cun, aralaimi thla chung ah Myanmar ram huap piin ramchung ral a chuak ko lai, tiah Dr. Sui Khar nih a chim chap.
“Atulio ah cun khuapi chung ah apiakpak in kahdohnak a um. Asinain, aralaimi thla chung ah ram huap in ramchung ral a tho ko lai,” tiah a chim. Credit: The Chin Journal
A Dang Reltthan: Flip-flop Dr.Fauci, U.S. National Institute of Allergy and Infectious Diseases ah Director a tuan liomi le President Biden medical advisor Chief a tuan liomi Dr.Fauci cu Coronavirus kongah a biachim mi a hnih thum lengmang i, US mipi a kan tuaitam ngai te.
1. Coronavirus zawtnak China ram in a thawk an theih le cangka President Trump nih US citizen dah ti lo, Tuluk ram rami vialte a phihkhar dih hna. Asinain Dr. Fauci nih phih a herh lo a rak ti. Asinain a hnu deuh ah President Donald Trump nih Tuluk ram rami kham hna hlah sehlaw million 2 cu a tlawm bik kan thi lai tiah a chim than.
2. Coronavirus a chuak ka ah mah zawtnak hi minung nih serchom mi a si lo “tiah a rak chim. Asinain minung serchom mi a sinak a hnu ah a cohlan than. Mah a cohlan nak cu a email an chek piak hnu ah an hmuh than.
3. A hram thawk in mask ihruk i santlai a si lem lom a zawmi nih an i hruk ah a za a rak ti. A hnu ah mask i hruk a hau a ti than. A hnu deuh chinchin ah Mask pahnih hmanh a ihruk a hau a ti than.
4. Coronavirus kong Senate ah hearing an rak tuah than i, Senator pawl nih biahalnak an tuahmi ah US mipi nih tax nan pekmi in Tuluk ram i coronavirus an kherhhlainak Wuhan Institute of Virology cu phaisa kan bawm hna lo” tiah a chim. Asinain a email tha tein an kherhhlai than tik ah US mipi pekmi tax in fund a rak peknak hna an hmuh than i a pheh kho ti lo. Mah ruangah GOP senator pawl nih lih a chim caah midepde a si” a rian in i phuak seh! tiah fak ngai in an soi.
5. Coronavirus US a phak ka te ah US zawtnak rungrul lei scientist pakhat a simi, Kristian Andersen nih Video conference meting ah Coronavirus tih a nunnak a rak chim cang. A hnu zongah Dr.Fauci sin ah email a kuat chap. Mah kuatmi emial zong cu an hnawh ti a si. Mah ruang ah Dr.Fauci cu bia an hal i,” a email a sau tuk caah ka zoh cawk lo” tiah a ti salem.
6. Coronavirus khamhnak si Vaccine voi hnih ning tein a chun cangmi cu inn chungah siseh, inn lengah siseh, mask ihruk a hau ti lo tiah a rak chim. Asinain nizan ah NBC meet the press timi nih interview an tuahnak ah vaccine a chuan dih cangmi zong nih mask an in hruk a hau” tiah a chim than.
7. Mah bantuk in a biachim a hnih thum lengmang ruangah Dr.Fauci cungah US mipi nih an zumhnak a zor chin lengmang. A kan nonnok an ti. President Donald Trump kha rak tling than sehlaw a rian a phuah colh lai a fiang. Salai Lairam Thang
